நட்புடன்

I-POD ROMANCE

2012-01-20T23:42:00.002+05:30

தலைப்பை பார்த்தவுடனே ஏதோ காதல் மயமான பதிவு அதாங்க ,"Romantic post "அப்படீன்னு நீங்க நினைச்சா, அது நூறு சதம் சரிதாங்க!! ஆனா இந்த கதைக்கு சுப முடிவா , சோக முடிவானு எனக்கே தெரியலங்க! படிச்சுட்டு நீங்க தான் சொல்லணும்.

இந்த மாதம் எங்களோட wedding day வருது. மொத்தமா ஆறு வருஷம் முடிச்சு போச்சுது . ஓடினதே தெரியலை அப்படீன்னு எல்லாம் நாங்க சொல்ல மாட்டோம். எல்லாம் தெரிஞ்ச வேகத்தொடதான் ஓடி போச்சுது. Romance-ந கிலோ என்ன விலைன்னு கேக்குற என்கூட (நாங்க எல்லாம் மனசு முட்ட காதல் இருந்தாலும் வெளில காட்ட மாட்டோம்ல !!!) வாழ்க்கைல எல்லாத்துக்கும் Romantic touch வேணும்னு நினைகிற ஷங்கர் ஆறு வருஷம் குப்பை கொட்டினது, கொட்ட போறது எல்லாம் இமாலய சாதனைதான். ஆனா ஷங்கர் இதுக்கு எல்லாம் அசந்து போற ஆளே கிடையாது. வருஷா வருஷம் ஒவ்வொரு கல்யாண நாளுக்கும் எனக்கு எதாவது surprise gift கொடுக்கனும்கிரத வாழ்கையின் லட்சியமா வைச்சுட்டு இருக்காரு என் புருஷன். ஆனா நானும் சளைக்காம கொஞ்சம் கூட மனசாட்சியே இல்லாம அந்த பரிசை குறைசொல்ல தயங்கினதே இல்லை. அவரும் அதுக்கு அசந்து போனதே இல்லை. ஏன்னா, பின்னால ஒருநாள் எப்பிடிப்பா இப்பிடி யோசிச்சு வாங்கின? very useful அப்படீன்னு சொல்லி பாராட்டி தள்ளி இருக்கேன். அப்படி வந்த ஒரு பரிசு தான் இந்த ipod .

உங்களுக்கு அறிவு எங்க போச்சுது, எனக்கு இருக்கிற வேலைக்கு பாட்டு கேக்கவா நேரம் , தண்டத்துக்கு செலவு பண்ணி இருக்கேங்க . இந்த காசு இருந்தா பத்து தடவை சரவணா பவன் ல சாப்பிட்டு இருக்கலாம் அப்படீன்னு கத்தி அழிச்சாட்டியம் பண்ணி , எல்லாம் முடிஞ்சுது. வழக்கம் போல ஒரு பத்து நாளைக்கு பிறகு பாட்டு கேக்கவும் ஆரம்பிச்சாச்சு. கர்ணனோட கவச குண்டலம் மாதிரி எனக்கு ipod மாறி போனதில் பெரிய ஆச்சர்யம் இல்லை .

அது இல்லாம நான் இல்லை நான் இல்லாம அது இல்லைன்னு ஒரு நிலைமை .எல்லாம் நல்லாத்தான் போயிட்டு இருந்தது. அந்த நிகழ்ச்சி நடக்கிற வரை.

வழக்கம் போல எங்க apartmentl -ல சுதந்திர தினம் கொண்டாட்டம் வந்தது.. நான் ஒரு "மனுஷர் அண்டா மரகுரங்கு"என் புருஷனுக்கோ எப்பவும் ஒரு பத்து பேர் வீட்டுல இருக்கணும். வீட்டுக்கு உழைக்கவே அழுவேன் நான். ஆனா ஊருக்கு உழைக்கும் உத்தமர் என் புருஷன். god is the best match maker .வழக்கம் போல எல்லா பொறுப்பும் ஷங்கர் தலையில .அதோட என் நச்சரிப்பும் , கொஞ்சம் கூட அசரவே இல்லையே மனுஷன்.

என்னை தவிர எங்க ப்ளாட்ல இருக்கிற எல்லாரும் ஆர்வமா நிகழ்ச்சி தயாரிப்புல பங்க எடுத்தாங்க. . கூட்டத்தை பார்த்தாலே எனக்கு ஆகாது. எங்க ப்ளாட்ல இருந்து யாரும் எங்க வீட்டுக்கு என்னை தேடி வந்ததே இல்லை. எல்லாரும் ஷங்கரை தேடித்தான் வருவாங்க. இதுல அழகான பொண்ணுங்க வேற. "ஷங்கர் இருக்காரா , program பத்தி discuss பண்ணனும் " அப்படீன்னு வருவாங்க. பரவாயில்லை என்கிட்டே சொல்லுங்க நான் சொல்றேன்னு சொன்னா, இல்லை நாங்க அவர்கிட்டயே பேசிக்கிறோம் அப்படீன்னு கடுப்பை கிளப்புவாளுங்க. எல்லாம் சேர்ந்து நான் ஒரு நிலையில இருந்தேன்.

கொண்டாட்ட நாளும் வந்தது. பாருங்க, நான் பண்ணின ஒரு நல்ல விஷயத்தை உங்களுக்கு சொல்லவே மறுத்துட்டேன். சுதந்திர தின கொண்டாட்டத்துக்கு தேவையான் எல்லா தேச பக்தி பாடல்களும் , தேசிய கீதம் உட்பட எல்லா பாட்டும் என் i-pod லதான் பதிவு ஆகி இருந்துது . எங்களுக்கும் தேச பக்தி உண்டுல்ல !! ஷங்கர் பல முறை கேட்டு என் சம்மதம் வாங்கின பின்னால தான் இது நடந்துது. ஆனா அதுக்கு அப்புறம் ?

நிகழ்ச்சியும் நல்லபடியா நடந்து முடிஞ்சுது. நான் வழக்கம் போல ஒன்னும் பண்ணலை.என் பொண்ணுக்கும் , ஷங்கர் க்கும் என்னை பார்க்க நேரம் இல்லை. அவ்வளவு பிஸி. எனக்கு உலகமகா கோபம்.ஆனா வெளி காட்ட முடியலை. நிலைமை இப்பிடி இருக்க , ரெண்டு நாள் ஓடி போச்சுது. திடீர்னு காலைல ஆறு மணிக்கு எனக்கு i-pod ஞாபகம் வந்தது.எனக்கு இருந்த கோபத்துல அதை பத்தி நினைக்கவே மறந்துட்டேன். என் நல்ல நேரமா ஷங்கர் கெட்ட நேரமான்னு தெரியலை. அது தொலைஞ்சு போச்சு அப்படீங்கிற விஷயமே அப்போதான் எங்க ரெண்டு பேருக்கும் உறைச்சுது. now the ball was in my court . இதை விட்டா வேற நல்ல சந்தர்பம் கிடைக்காது மஹா , go ahead அப்படீன்னு எனக்குள்ள ஒரு அசிரீரி ஒலிச்சுது. சும்மாவே ஆடுவேன். இதுல பாட்டு வேற போட்டு விட்டா கேக்கவா வேணும் ?

"என் மேல கொஞ்சமாது அன்பு இருந்தா இப்பிடி பண்ணி இருப்பீங்களா,? எனக்கு அந்த i-pod பார்க்குபோது எல்லாம் நம்ம காதல்தான் நினைவுக்கு வரும். அதை போய் தொலைச்சுட்டு வந்துடீங்க , நம்ம காதலே போச்சுது அப்படி இப்படீன்னு நான் அழுது ஆர்ப்பாட்டம் பண்ணினதுல ஷங்கர் உச்சகட்ட கவலைல இருந்தாப்ல . He spent really one full day to search for that.எனக்கு புதுசு வேண்டாம் அதுதான் வேணும்னு அழிச்சாட்டியம் பண்ணிட்டு இருந்தேன். ஒரு ஆயிரம் தடவைஎன் கிட்ட மன்னிப்பு கேட்ட பின்னாலயும் ஷங்கர் கவலை படுறதை நிறுத்தவே இல்லை. எனக்கு பெரிசா பாதிப்பு இல்லை. நான் திட்டணும்னு நினச்சேன் திட்டிட்டேன். ஷங்கர் தான் காதல் பரிசு தொலைஞ்சு போச்சேன்னு ஒரு நாள் பூரா சரியாய் சாப்டாம தேவதாஸ் மாதிரி அலைஞ்சுட்டு இருந்தாரு. நாளும் ஓடி போச்சுது.

மறுநாள் காலைல எனக்கு பிடிக்காத , எப்போவும் ஷங்கர் பண்ற வேலைய அதுதாங்க washing machine la இருந்து துணி காய போடுற வேலையை பண்ணிட்டு இருந்தேன். எப்போவும் துவைக்க போடுறது என் வேலை. காய போடுறது, ஷங்கர் வேலை. ஷங்கர் மேல உள்ள கோபத்துல வேண்ட வெறுப்பா அந்த வேலைய பண்ணிட்டு இருந்தேன். அப்போதான் அந்த விஷயம் என் தலைல இடி விழுற மாதிரி நடந்தது. washing machine அடியில ipod !! ஐயோ !!அப்போதான் வழக்கம் போல பாக்கெட் ல என்ன இருக்குன்னு பார்ககாம கடமைக்கு ஷங்கர் சட்டையை துவைக்க போட்ட என் flashback ஞாபகம் வந்தது. surf போட்டு துவைச்ச பின்னால அது பாடினா ஆச்சர்யம். ஆனாலும் அநியாத்துக்கு அது நல்ல புள்ளையா பாடுச்சுது. ஷங்கர் காதல் பாட வைச்சுது போல.பிள்ளையாரப்பா , நீ உன் பக்தைய கை விட்டதே இல்லை . இது மட்டும் ஷங்கர் கைல கிடைச்சு இருந்துது ? , பிள்ளையாரப்பா i love you .

வழக்கம் போல ஆபிஸ் ல இருந்து சோகமா ஷங்கர் என்ட்ரி கொடுத்தாரு . பின்ன காதல் நா உயிரை கொடுக்குற category ஆச்சே நம்ம ஆளு. நான் விட்டேத்தியா , ரொம்ப கவலைப்பட வேணாம் ,நம்ம காதல் எங்கயும் போகலை , திரும்ப கிடைச்சாச்சு அப்படீன்னு சொன்னேன். பின்ன வார்த்தைல கொஞ்சம் ஆர்வம் தெரிஞ்சாலும் நான் தொலைஞ்சேன். He is very smart enough.ஷங்கர் முகத்துல ஒரு 10000 watts பல்பு எரிஞ்சுது. எங்க இருந்துது எங்க இருந்துது அப்படீன்னு ஆயிரம் கேள்வி. அதுக்கு நான் , "love தான் ஒழுங்க பண்ண தெரியலை , தேடுறதை கூடவா ஒழுங்கா செய்ய தெரியாது" அப்படீன்னு அலுத்துகிட்டேன்.பின்ன , நாதாரித்தனம் பண்ணினாலும் நாசுக்க பண்ணனும் .ஐயோ பாவம் ,அந்த i pod -யா ஒரு அரை மணி நேரமா காதலா பார்த்துட்டு இருந்துது அந்த அப்பாவி ஜீவன் !!!

-- மகா

இனிய புத்தாண்டு வாழ்த்துகள்

2011-12-31T15:05:00.001+05:30

நம்ம பார்வை எப்போதும் உலகளாவிய பார்வை தான். :)

நண்பர்கள் அனைவருக்கும் இனிய புத்தாண்டு நல்வாழ்த்துகள் !

அனைவருக்கும் இனிய கிருஷ்ண ஜெயந்தி வாழ்த்துகள்

2011-08-21T21:02:00.001+05:30

அனைவருக்கும் இனிய கிருஷ்ண ஜெயந்தி வாழ்த்துகள் !

(படம்: நன்றி : இணையம்)

குறும்படம் - பண்ணையாரும் பத்மினியும்

2011-06-30T22:51:00.000+05:30

நன்றி - வெயிலோன் திரை

(வணிக நோக்கமில்லாத பகிர்வு மட்டுமே)

போயின பத்தாண்டுகள் இன்றோடு!

2011-06-02T23:03:00.001+05:30

தின்னவேலி ஜங்ஷன்
தேசிய நெடுஞ்சாலை 47
காலேஜ் ஸ்டாப் நிற்காது
கணபதி பஸ் சர்வீஸ்
இவ்ளோ தூரமா!
கவர்மெண்ட் காலேஜ் !!
சர்வோதயா, சுப்புடு மெஸ்
காலேஜ் பின்பக்க காம்பவுண்ட் சுவர்
இன்ஜினியர்ஸ் மேக் த வேர்ல்ட்
தமிழ் கிடையாது
மினி டிராஃட் அல்லது டி.ஸ்கொயர்
ரப்பர் செப்பல், மஞ்சள் பை
அண்டா காக்டெயில்
மாருதி பரோட்டா
பொன்னாங்குடி பை நைட்
ஸ்ட்ரைக் ஐ.டி.சி. ‍செமஸ்டர்
அழுக்குமூட்டை தாமிரபரணி
பொருணை டூ காவேரி
சன்டே மசால்தோசை
அரசன் ஜானகிராம்
டைஸ்
டங்க்ஸ்டன் ஆக்காதே
சித்ராதேவி புக்ஸ்டால
எல்.ஹச் வழியாக மூன்றடைப்பு
'ஏ' விலுருந்து 'பி','சி'
வழியாக 'இ' வரை செல்லும்
அதிவேக ஜொள்ளு வண்டி
இடையில் 'டி' யில் நிற்காது
தேக்கடி, சுருளி
மொச்சக் கொட்ட பல்லழ‌கி
பிறந்தநாள் அபிஷேகம்
பி.ஜி. சேர்மன் தேர்தல்
ஜூனியரை ஏன் அடிச்ச?
சும்மா டைம்பாஸ்
கேம்பஸ் இன்டர்வியூ
பசுமை நிறைந்த... பேச்சைக் குறைடா!

தின்னவேலி ஜங்ஷன்
ஜூன் 2 !!!

போயின பத்தாண்டுகள் இன்றோடு :)

நட்புடன்,

வி.பாலகுமார்

குறும்படம் - இணையத்திலிருந்து.

2010-10-18T14:55:00.000+05:30

நன்றி : "Green Horns Entertainment and Pixelite Studios"

(வணிக நோக்கமில்லாத பகிர்வு மட்டுமே)

ஆயுதபூஜை வாழ்த்துகள்

2010-10-16T11:44:00.001+05:30

(picture courtesy: from internet)

புதிய மனிதா பூமிக்கு வா !

2010-08-03T17:20:00.001+05:30

A.R.ரகுமான் இசையில் அட்டகாசமா வந்திருக்கும் எந்திரன் பாடல்களில் நான் அதிகம் விரும்பும் வரிசை ,

1. புதிய மனிதா .....
2. கிளிமாஞ்சாரோ ....
3. அரிமா அரிமா ....
4. Chitti Dance Showcase
5. காதல் அணுக்கள்....
6. இரும்பில் ஓர் இதயம்....
7. பூம் பூம் ரோபோ டா....

Enjoy listening !!!

-மதன்

ஒரு தலைப்பும் வேண்டாம் !!!

2010-07-21T22:43:00.002+05:30

ஒன்னும் இல்லை ங்கிற தலைப்பையே எவ்வளோ நாள் பார்க்குறது ,
எரிச்சல் வருது. அது எதையோ அடிக்கடி ஞபாக படுத்துற மாதிரி (?)
வேற ஒரு பிரம்மை .ஒரு ரசிகையோட ஏக்கத்தை என்னோட favourite

writers யாருமே பூர்த்தி பண்றதே இல்லை. ஏன்பா ,எவ்வளவு நாள் தான் wait பண்றது ?

ஆர்த்தி , ஒரு கதையை ஆரம்பிச்ச அதுக்கு முடிவு ஒருவருஷம் கழிச்சுதான் எழுதிவியா ?இல்லை climax சரியா எழுதினா prize எதாவது கொடுப்பியா? இது ரெண்டும் இல்லைன்னணு bவைச்சுக்கோ , என் இஷ்டத்க்கு எதாவது எழுதி உன் கதைய ஒன்னும் இல்லாம பண்ணிருவேன். trail வேணுமா ,
உன் கதை ஹீரோ யாரு, ஆங் !! குரு ,அவனுக்கு தீடிர்னு accident ஆகி என் brain எடுத்து(?) என் நண்பனுக்கு வைச்சு இருங்கன்னு சொல்லிட்டு அந்த இடத்துலயே உயிரை விட்டுருவான்( senti climax) இது பிடிக்கலையா ,சரி விடு அடுத்ததை பார்போம் ,அடிகடி நண்பனை பார்க்க வரும்போது hospital receptionist கூட chemistry work out ஆகி ,இவங்க பாடுற duet பொறுக்க முடியாம ஜான் கோமால இருந்து எழுந்துர்ற மாதிரி ஒரு கிளைமாக்ஸ் கொடுக்கவா ? ஏதாவது

ஒரு முடிவு சொல்லு ஆர்த்தி ,இல்லைன்னாலும் பரவாயில்லை ,கைவசம் நிறைய idea இருக்கு so இது எதுவுமே வேண்டாம்னா நல்ல பிள்ளையா கதைக்கு முடிவு எழுது !!!

பாலா ,நீ சிலிரிப்பு ,அரிப்பு வர்ற மாதிரி கவிதை ,கதை எழுதலைனாலும் பரவாயில்லை, கொஞ்சம் சிரிப்பு வர்ற மாதிரியாவது எழுதலாம்ல? அநியாத்துக்கு ரொம்ப நாள் யோசிக்கறப்பா(very bad) பாருங்க நீங்க எல்லாம் absent ஆனதாலா நான் எழுத வேண்டி இருக்குது (அப்பா!! முடியலை சாமி ,ஏண்டி எழுதுரன்னு கேள்விய avoid பண்ண என்ன எல்லாம் பொய் சொல்ல வேண்டி இருக்குது?)

இந்த பிறந்த நாளை (முப்பது வயசாச்சு!!) கொண்டாடும் விதமா ராவணன் படம் பார்க்க போனேன் . முப்பது வயசாச்சுன்னு கவலைய விட ஐயோ காசு போச்சேன்னு கவலைதான் ரொம்ப.அட ,சாமி ,ராமாயணத்தை வீட்டுலயே cd போட்டு பார்த்து இருக்கலாமோன்னு தோனுச்சு.அட ,ஊர்ல உலகத்தில நம்மளை யாரவது kidnap பண்ணினா ,"என்னை கொல்றதுக்கு நீ யாரு உனக்கு எந்த உரிமையும் கிடையாது " அப்படீன்னா டயலாக் பேசுவோம் ? சத்தியமா

நான் அப்படி இல்லைப்பா. எனக்கு கடைசிவரை அந்த சீதைக்கு ராமனை பிடிக்குதா இல்ல ராவணன் பிடிக்குதான்னு சந்தேகம் . இன்னும் தீரலை.ராவணன் இந்த வயசாகி போன(?) சீதாவை கடத்தறதுக்கு முன்னாடி கொஞ்சம் யோசிச்சு இருக்கலாம் ..

ரெண்டு நாள் முன்னாடி நடந்த விஷயம் ,என் பொண்ணோட உக்கார்ந்து விளம்பரம் பார்த்துட்டு இருந்தேன் .அதுக்கு முன்னாடி உங்க எல்லோருக்கு ஒரு விஷயம்சொல்லிக்க ஆசை படுறேன் ,நானும் என் பொண்ணும் நாடகம் பார்க்கிறோமோ இல்லையோ விளம்பரம் பார்க்க மறந்ததே இல்லை. ஆனா ,சில விளம்பரம் பார்க்கும்போது கொஞ்சம் எரிச்சலா தான் வரும் அதுல ஒன்னு, இந்த recent close up விளம்பரம் .அட கண்றாவி!! பல் தேய்க்கிரதே

முத்தம் கொடுக்கத்தான் அப்படீன்னு ஒரு புது கண்டு பிடிப்பு (!) ஐயோ ,இந்த சனியனை எல்லாம் வர்ஷு பார்கிறாலேன்னு அந்த விளம்பரம் வரும்போது சேனல் மாத்திருவேன் .ரெண்டு தடவைதான்பா அப்படி பண்ணினேன். அப்புறும் அந்த விளம்பரம் வரும்போது என் மகளே remote கைல கொடுத்து அம்மா மாத்துன்னு சொல்றாப்பா (கடவுளே) எனக்கு என்னவோ பாக்கியராஜ் படம் நினைவுக்கு வந்துருச்சு.

போன வாரம் ரெண்டு பொம்மைய வைச்சு என் பொண்ணு விளையாண்டுட்டு இருந்தா . hasilli fissili பாட்டு வேற பாடிட்டு இருந்தா ,இதுல என்ன comedynna உயரமா இருக்கிற பொம்மை பேரு அனுஷ்கவாம் ,குட்டையா இருக்கிற பொம்மை பேரு சூர்யாவாம் ,ஐயோ பாவம் சூர்யா !!! அவளுக்கு கூட உண்மை புரிஞ்சு போச்சு !
சரி , வேற எழுத ஒன்னும் இல்லைப்பா, எதாவது சீக்கிரம் எழுத வழிய பாருங்க .அப்புறும் மதன் ,தீபா எல்லாம் கொஞ்ச நாளாவே ஒன்னும் எழுதலைல ,அதுனால ,அவங்க கிட்ட சொல்லியும் பெரிசா மாற்றம் வராதுன்னு நினைக்கிறேன் (?) இல்லை என் நினைப்பு தப்புன்னா எதாவது எழுதுங்கப்பா !!!
bye friends

மஹா

ஒன்னுமில்லை (அல்லது) நீங்கள் கேட்டவை!

2010-04-28T20:55:00.000+05:30

மக்கள் எல்லாரும் நான் இங்க எழுதனும்னு ஒரே அடம், அட நான் என்னங்க வச்சுக்கிட்டா வஞ்சகம் பண்றேன்? இதை நினைச்சுட்டு கீபோர்டைத் தொட்டாலே தூக்கம் வந்துருது. சரி ரொம்ப கஷ்டப்பட்டு ஒரு மாதிரி எழுதனும்னு முடிவு செஞ்சிட்டேன். ஒரு மாதிரினா அந்த "ஒருமாதிரி" இல்ல, இது சாதா ஒரு மாதிரி. ஆனா பாருங்க முடிவா ஒன்னு முடிவு செஞ்ச பிறகு தான் என் பேச்சையே நான் கேட்க ஆரம்பிக்கிறேன். உள்ளுக்குள்ள ஆயிரத்து ரெண்டு யோசனை.

முதல்ல கதை எழுதலாம்னு ஆரம்பிச்சேன், வாயால வடை சுட்டு கதை விடுறதுன்னா, வண்டி வண்டியா சொல்லலாம். ஆனா டைப் அடிக்கனும்னு வரும் போது தான், இந்த எழுத்து தான்..... எங்கெங்கையோ இழுத்துட்டு போயிடுது. இப்போக் கூட பாருங்க, ஒரு வரி டைப் பண்ணறதுக்குள்ள, கதையோட கருவே மறந்து போயிடுச்சு, கதைக்கு அந்த கருமம் எல்லாம் எதுக்கு? சும்மா எதுனா எழுது, நாங்க வாசிக்கிறோம் என்று சொல்லும் பெருந்தன்மை உங்களுக்கு இருக்கலாம். ஆனா ஒரு படைப்புக்குண்டான தரம் இல்லாம அதை உருவாக்குவதில் ஒரு படைப்பாளியா, எனக்கு உடன்பாடில்லை. ஆகவே கதை "கட்".

சரி, உணர்ச்சி பூர்வமா அடி வயித்துல இருந்து பட்டாம்பூச்சி, தட்டான்பூச்சி, கரப்பான்பூச்சி எல்லாம் பறக்க, சிலிர்த்துப் போகுற மாதிரி ஒரு கவிதை எழுதலாம். கவிதை எழுதுறதுல உண்மைலயே ஒரு சூட்சமம் இருக்கு, வார்த்தையை மடக்கி மடக்கிப் போட்டு ஒரு மாதிரி கொஞ்சமா டைப் பண்ணி, நிறைய இருக்குற மாதிரி பில்டப் கொடுத்துக்கலாம். இடையிடையே மானே, தேனே, பொன்மானே ன்னு எல்லாம் காப்பி பேஸ்ட் பண்ணா போதும், சூடா ஒரு மசால் தோசை... ச்சீ, கவிதை ரெடி.

இப்போ பாருங்க, "எங்க வீட்டு நாய்க்கு நாலு நாளா காய்ச்சல். ஜுரத்துல அது முனங்குறது உன் குரலைத் தான் ஞாபகப் படுத்துது". இது ஒரு செய்தி. இதையே கவிதையா மாத்தினா, அப்படியே சிலிரித்து போய்ருவீங்க.

"கொஞ்சும்

நாய்க்குட்டி,

உன்னை

நினைக்க வைக்கிறது

அன்பே !"

என்ன, சிலிர்ப்பு அரிப்பு எதும் வரலியா? சும்மா சங்கடப்படாம சொல்லுங்க. ஒரு படைப்பாளியா எனக்கு வந்த அவமானமா எல்லாம் எடுத்துக்க மாட்டேன். கவிதை என்ன சாதாரண விசயமா. எல்லாருக்கும் அதை புரிஞ்சுக்குற கொடுப்பினை வாய்க்கிறதில்லை தானே. என்ன செய்ய, நான் ஒரு மந்தகாச நிலையில் இருந்து படைக்கும் கவிதையை எல்லாராலும் புரிஞ்சுக்க முடியல! அதனால பாவம், எல்லாருக்கும் புரியுற மாதிரி வேற ஏதாவது எழுதலாம். என் கவிதைக் குழந்தையே, கொஞ்ச நேரம் குப்புறப்படுத்து தூங்கு.

ம்ம்ம், நாட்டு நடப்பு பத்தி சூடா ஏதாவது பத்தி எழுதட்டா? "ஒருத்தருக்கு தெரிஞ்சவரோட மனைவி இன்னொருத்தனோட ஓடிப் போய்ட்டானு தன் வீட்டுல குழந்தை குட்டியோட தங்க வச்சிருக்கார் ஒரு புண்ணியவான், வந்தவன் என்னடான்னா இவர் மனைவியைக் கூட்டிட்டு 'எஸ்' ஆகிட்டான். இப்போ புண்ணியவான் இவர் குழந்தைகளோடும், அவன் குழந்தைகளோடும் திண்டாடிட்டு இருக்கார்"

இது இன்னைக்கு படிச்ச செய்தி. இது மாதிரி விசயங்களோட உளவியல் பார்வை, களவியில் பார்வை, கலவியல் பார்வை இப்படி எல்லாம் கலந்துகட்டி, ஒரு மாதிரி ஆராய்ச்சி கட்டுரை எழுதி, "யார் மனைவி யாரோடு", "ஓடிப் போன லேடி, கூட்டிப் போன கேடி" இப்படி ஏதாவது தலைப்பு வச்சுட்டு கடைசியா "நச்" னு ஒரு கருத்து சொல்லி பதிவு போட்டா ஹிட்ஸ் பிச்சிக்கும்னு எனக்கும் தெரியும். ஆனா பாருங்க நாம எப்பவும் தனிமனித அந்தரங்கத்துக்குள்ள இறங்குவதில்லை. என்ன சொல்ல வர்றேன்னா, " நம்ம சுதந்திரம் அடுத்தவங்களோட மூக்கு நுனி வரை........." என்ன இது உங்களுக்கு ஏற்கனவே தெரியுமா? சரி விடுங்க. மேலும் "அட, இந்த மாதிரி எல்லாம் கூட பண்ணலாம் போல!"ன்னு இன்னும் நாலு பேரு கிளம்பிற போறாங்க, அதனால இந்த மாதிரி விசயத்தை எல்லாம் துவைக்கிறதோ, காயப் போடுறதோ, இல்லை ஐயன் பண்ணி வைக்கிறதோ இல்லிங்க. வேற ஏதாவது எழுதுறேன்.

சரி, நம்ம பார்வையை விசாலப்படுத்தி நாட்டு நடப்பு பத்தி எழுதட்டா? "ஆயிரத்து என்னூறு கோடி, ஒன்னரை டன் தங்கம்" எப்படிய்யா இவ்வளவையும் வீட்டுக்குள்ளயே வச்சிருந்தீங்க. படிச்சது தான் டாகட்ர்னு பெரிய படிப்பெல்லாம், ஆனா ஒலக அறிவு இல்லையே சார். நாடு கிடக்குற கிடையில இதையெல்லாம் வீட்லயேவா வச்சிக்குவாங்க, நமக்காகத் தானே எந்த கணக்கையும் வெளியே சொல்லாத, நாதாரிகள் கொண்டாடும் நம்பகமான ஸ்விஸ் பேங்க் எல்லாம் இருக்கு, அங்க கொண்டு போய் வைக்க வேண்டியது தானே!

யாருப்பா அது, "அங்க கொண்டு போய் வச்சது போக மீதம் தான்டா இது" ன்னு சொல்றது. மன்னிச்சிக்கோங்க நமக்கு அரசியல் தெரியாது.

அப்போ நாட்டு நடப்பு வேணாம், இன்னும் பெரிய லெவல்ல உலகம், அணுஆயுதம், பிரபஞ்சம், அண்டம், கண்டம், காண்டாமிருகம் இப்படி போலாமா, என்ன வேணாமா ? வேணான்னா விடுங்க, வேற ஏதாவது எழுதுவோம். நமக்கென்ன மேட்டரா கிடைக்காது!. எனக்கு தெரிஞ்ச ஒரு அண்ணன் இருக்கார். மேட்டருன்னு சொன்னா குதூகலம் ஆகிருவார். ஆனா நான் சொல்றது அந்த மேட்டர் இல்லை, இது வெறும் மேட்டர்.

கடந்த ஒரு மாசத்துக்கும் மேல கண்முழிச்சு, கஷ்ப்பட்டு ஒரு வழியா நிறைய போராட்டங்களுக்கும், அதைவிட நிறைய பேரங்களுக்கும் பிறகு "சென்னை" க்கு கப்பை வாங்கி கொடுத்தேன் தெரியுமா, அதைப் பத்தி எழுதுறேன். சச்சின் தான் ரொம்ப அடம் பிடிச்சாப்ல, இந்த வருடம் அவருக்குத் தான் வேணும்னு. நான் தான் சொன்னேன், ' இல்ல தம்பி நீ சின்ன பையன், இன்னும் வயசிருக்கு. ஒரு பத்து பதினஞ்சு வருசம் கழிச்சுக் கூட வாங்கிக்கலாம், தோணி தம்பி இதை நம்பி நிறைய விளம்பர காண்ட்ராக்ட் எடுத்துட்டாப்ல. அதனால அவருக்கே கொடுத்துறலாம் " னு . ஆனா பாருங்க முதல்ல நான் கங்குலி தம்பிக்குத் தான் கொடுக்கலாம்னு நினைச்சேன். ஆனா அவரு பிடிவாதக்காரர்யா, "நீங்க சும்மா கொடுத்தாலும் வேணாம். மக்கள் எங்க மேல வச்சிருக்குற நம்பிக்கைய வீணடிக்க மாட்டோம், வெறுங்கையோட போறது தான் எங்களுக்கு பெருமை"னுட்டாரு. ஆனா அதைப் பத்தி எழுதுறதுலயும் ஒரு சிக்கல், நான் இன்னும் ஆறேமுக்கால் வருசத்துக்கு இதைப் பத்தி பேசவோ, எழுதவோ கூடாது. ஏன்னா ஏலம் எடுக்கும் போது அப்படித்தானே அக்ரிமெண்ட் போட்டுருக்கு.

சரி, இது எதுவும் வேணாம். படிக்கிறவங்களை சந்தோசப்படுத்துற மாதிரி காமெடியா ஏதாவது எழுதலாம்னு பார்த்தா, அந்த கண்றாவி ஒரு ஃப்லோவா வந்து தொலைய மாட்டுது. தப்பித் தவறி இது மாதிரி ஏதாவது முயற்சி செஞ்சா, வாசிச்சுட்டு உங்க பாட்டுக்கு சிவனேன்னு விண்டோவை க்ளோஸ் பண்ணிட்டு போயிறீங்க, ஏதாவது சொல்லிட்டுப் போனாத் தானேய்யா, என்ன நினைக்கிறீங்கன்னு தெரியும். விடுங்க! இப்ப சொல்லுங்க, நான் எதைப் பத்தி எழுதட்டும் ?

நட்புடன்,

பாலகுமார்.

மலரும் நினைவுகள்

2010-04-24T00:45:00.007+05:30

எல்லோரும் எப்பிடி இருக்கீங்க ? உங்க கூட பேசி ரொம்ப நாள் ஆகிபோச்சுன்னு நினைக்கிறேன். எல்லோரும் நிம்மதியா இருக்கீங்களேன்னு எனக்குக் கூட ரொம்ப கஷ்டமா இருந்தது.!!! அதுதான் இந்த"Re-entry"

அப்புறம் ஆர்த்தி ,நீ கதைய முடிக்காம விட்டா, அப்புறம் நான் என் இஷ்டத்துக்கு எதாவது கிறுக்கி கதையை முடித்து வைப்பேன் . Be careful!!! ,

பாலா, எப்போவும் சுயநலமா சிந்திக்ககூடாது. உன் blog பத்தி மட்டும் யோசிக்காம நம்ம blog பத்தியும் கொஞ்சம் யோசிக்கணும் சாமி!!
அப்புறம் மதன் அது ஒரு தனி track .
ஏற்கனவே இருக்கிற stomach burning போதாதுன்னு இந்த தீபா வேற ,ஏன்டா எழுதனும்னு இருக்குது !!! பாவம்பா மஹா படுத்தாதீங்க ,ஆனாலும் உங்களை

விட்டா யாருகிட்ட போய் புலம்ப முடியும் என்னால, அதுனால நேரத்தை வேஸ்ட் பண்ணாம கதைக்கு வர்ரேன்.

போன monday evening , ஒரு ஏழு மணி இருக்கும் ,எங்க எதிர் வீட்டுல இருந்து ஒரே அழுகை சத்தம். என்னடான்னு போய்ப் பார்த்தா, எதிர் வீடு அம்மா அவங்க பையனைப் போட்டு அடி நொறுக்கிட்டு இருந்தாங்க. அந்த பையனோட தங்கை வர்ஷுவோட dearest friend .எனக்கு ஒரே பாவமா போச்சு. ஏங்க எதுக்கு அடிக்கிறீங்கன்னு கேட்டதுக்கு, "வர்ஷு அம்மா (இப்போ எல்லோரும் இப்பிடித்தான் கூப்பிடுறாங்க ,உனக்கு வயசாயிருச்சு மஹா, ம்ம்ம் ) இவன் என்ன பண்ணினான் கேளுங்க , mark sheet கொடுத்து ஒரு வாரம் ஆச்சு இன்னும் என்கிட்டே காட்டவே இல்லை மறைச்சுட்டான் ",சொல்லிகிட்டே அடிக்க ஆரம்பிச்சுடாங்க .அந்த பையன் என்ன படிக்கிறான்னு கேளுங்க

அஞ்சாவது தான் .எனக்கு சிரிப்பா வந்தது ,ஐயோ! தப்பா நினைக்காதீங்க ,மத்தவங்க கஷ்டத்தை பார்த்து சிரிக்க நான் ஒன்னும் வில்லி கிடையாது. எனக்கு flash back ஓட ஆரம்பிச்சது .

நான் எங்க வீட்டுல ஒரே புள்ளைன்னு உங்க எல்லோருக்கும் தெரியும்.ஆனா எங்க அம்மாக்கு தமிழ்ல பிடிக்காத வார்த்தை " செல்லம் ". ம்ம்ம்ம் ........ஸ்கூல் படிக்கும்போது ஏதோ கொஞ்சம் படிப்பேன் நான் (ப்ளீஸ் ,நம்புங்கப்பா ...) First rank தவிர எது எடுத்தாலும் வீட்டுல எனக்கு திருவிழா கொண்டாடுவாங்க !!. எனக்கு இதுல எல்லாம் அந்த வயசுலயே பெரிசா நம்பிக்கை கிடையாதுன்னு சொன்னாலும் ,என்ன பண்ண ? நாய் வேஷம் போட்டா குரைச்சே ஆகணும் !!! அதுனால வேற வழியே இல்லாம படிப்பேன்.

ஒரு வாட்டி என்ன ஆச்சுன்னா , fourth rank வந்துருச்சு.

எனக்கு என்ன பண்றதுன்னே தெரியலை ,அழுவாச்சியா வேற வந்தது . வீட்டுல சொன்னா ,செருப்பாலயே அடிப்பாங்கன்னு தெரியும் ,என்ன பண்றதுன்னு வேற தெரியலை. வீட்டுக்கு போகாம எங்கயாவது ஓடி போயிரலாமன்னு நினச்சா, ஐயோ அப்புறம் அப்பா தினமும் வாங்கிட்டு வர்ற பஜ்ஜி வடை எல்லாம் கிடைக்காதேன்னு வேற கவலை , எதையும் விட முடியலை , 'பாருங்க ஒரு புள்ளைக்கு எவ்வளவு கஷ்டம்னு !

கடைசியா உக்காந்து யோசிச்சதுல ஒரு முடிவுக்கு வந்தேன் ,பேசாம ,நாமளே sign பண்ணி progress report கொடுத்திர வேண்டியதுதான்னு முடிவு பண்ணினேன் . ஐயோ என் வயசை சொல்ல மறந்துட்டேன் இல்லை , நான் அப்போ ரெண்டாவது படிச்சுட்டு இருந்தேன். ஏழு வயசு. நான் தமிழ் medium தான் படிச்சேன். அதுனால, மூணாவது வகுப்பில இருந்து தான் english ஆனா ,எங்க அப்பா பேர் எல்லாம் எழுத தெரிஞ்சு வைச்சு இருந்தேன் (பாருங்க ,அந்த வயசுலயே புள்ளைக்கு என்ன அறிவுன்னு !)

என்ன இருந்தாலும் ,பெரியவங்க கிட்ட கேட்டுதான் ஒரு முடிவு எடுக்கனும்னு , அஞ்சாவது படிக்கிற "அக்கா " கிட்ட போய் நிலமைய சொல்லி கையெழுத்து போடச் சொல்லிக் கேட்டேன் . அந்த லூஸ் என்னவோ எங்க ஆத்தா வையும், அய்யா வையும்னு சொல்லி போட்டுத் தர மாட்டேன்னு சொல்லிருச்சு . மஹா , ஏன் அடுத்தவங்க கிட்ட போய் கெஞ்சுற ,தன கையே தனக்கு உதவின்னு என் மனசாட்சி குரல் கொடுத்துச்சு .. (ஐயோ ,புள்ள என்னமா யோசிச்சு இருக்குது பார்த்தீங்களா? ) கடைசியா நானே கையெழுத்து போட்டுக் கொடுத்துட்டேன். என் மேல உள்ள அதீத நம்பிக்கைல(?) டீச்சர் வாங்கி வைச்சுட்டாங்க .

இப்பிடியே ரெண்டு வாரம் ஓடுச்சு .வீட்டுல எப்போ கேட்டலும் rank card கொடுக்கலைன்னு ரீல் ஓட்டிட்டு இருந்தேன். இதுல ஒரு கஷ்டம் என்னன்னா ,எங்க அம்மா ,அப்பா தான் பிளஸ் டூ வரை என்னை school ல கொண்டு விடுவாங்க. ஏன்னா அப்போதான் நான் பைய அவங்க கிட்ட கொடுத்துட்டு ஜாலி யா சினிமா போஸ்டர் பார்த்துட்டு வரலாம் .(இதுக்கு தனியா அடி வாங்கி இருக்கேன் அது வேற கதை) ஆனா இந்த நிலைமைல அவங்க கூட வர்றது ரொம்ப கஷ்டம்.அதுனால எங்க அம்மாவை கிளாஸ் பக்கமே வர விடாம தடுத்துருவேன் ஆனாலும் ,விதி விளையாடிருச்சு.

நாலு மணிக்கு ஸ்கூல் விட்டவுடனே கேட் கிட்ட போய் நின்னுப்பேன். என் friends யாரும் சொல்லிறக் கூடாதுன்னு லஞ்சம் வேற ,(ரொம்ப கஷ்ட பட்டுட்டேன் பா !) ஒரு நாள் டீச்சர் கிட்ட பேசினதுல நேரம் ஆனது தெரியலை ,எங்க அம்மா ,என் கிளாஸ் டீச்சர் கிட்டயே rank card பத்தி விசாரிக்க, ம்ம்ம்............................. அப்புறம் என்ன நடந்து இருக்கும்னு நான் என்ன சொல்றது, எங்க வீட்டுல விளக்குமாறு,தயிர் மத்து எல்லாம் பிஞ்சு போற அளவு அடி வாங்கினேன் .ஆனா கொஞ்சம் கூட சளைக்காம, நாலாவது படிக்கும்போது இதே தப்பை பண்ணினேன்.அப்போவும் திருவிழா கொண்டாடினாங்க, இதுக்கு எல்லாம் கவலைப்பட்டா வாழ முடியுமா ,சொல்லுங்க ,மஹா வாழ்க்கைல அடிக்கடி திருவிழா வரும் ,.............

அப்பாவி புள்ள

மகா

மொழி தெரியாத ஊரில்…

2010-03-16T15:27:00.007+05:30

வேலைக்காக ஒரு திக்குத் தெரியாத ஊருக்கு வர்றது ஒரு புது அனுபவம். வந்த புதுசுல எல்லாம் ஒரே பயமா இருக்கும். தேசிய மொழி புரியும்னாலும் ஒரு வார்த்தை பேசுறதுக்குல்ல வியர்த்து கொட்டிடும். (ஆனா, இப்பல்லாம் அதை யோசிக்குறதே இல்லை.. சொல்றத சொல்லிடுவேன், புரிஞ்சுக்க வேண்டியது அவங்க வேலைதானே… நாம எதுக்கு tension ஆகனும்)

இங்கேயும் நம்ம மக்கள் கூடவே இருந்ததால தேசிய மொழி கத்துக்க ரொம்ப try பண்ணினது இல்ல (already, நம்மலால தமிழ் செத்துட்டு இருக்குறது போதாதா.. ஹிந்தியையும் ஏன் கொலை பண்ணனும்ன்ற நல்ல எண்ணம் தான்). இங்க யாருக்கும் தமிழ் புரியாதுன்றதுனால நாங்க எல்லொரும் தூய தமிழ்லயே பேச ஆரம்பிசுட்டோம் (தூய தமிழ்ல பேசினா mallus நல்லா புரிஞ்சுப்பாங்கன்றது வேற விஷயம்). Thank u-வ கூட நன்றி-னு தான் சொல்வோம். பழக்க தோஷத்தில வீட்ல போய் நன்றி-னு சொன்னா, ஏதோ alien range-ல பாக்குறாங்க…

ஆனா, யாரையாவது கிண்டல் பண்ணனும்னா நம்ம மொழி தான் best. இப்படி கிண்டல் அடிச்சு பேசும் போது, “என்னம்மா, இப்படி பேசுறீங்க”-ன்னு பக்கத்தில இருந்து சத்தம் வந்தா அடுத்த நிமிஷம் escape தான்… இப்படி நிறைய இடத்துல மட்டினதால, ரெண்டு மூணு வார்த்தை பேசிட்டு reaction இருக்கா இல்லையானு பாத்துட்டு கிண்டல் பண்ற அளவுக்கு expertise ஆகிடுச்சு (ஆனாலும், நம்ம தமிழ் மக்கள் அநியாயத்துக்கு எல்லா இடத்திலயும் இருக்குறாங்கப்பா..)

இன்னொரு பிரச்சனை என்னனா, நம்ம வேற ஊரு மக்கள்-னு தெரிஞ்ச உடனே, rates எல்லாம் double, triple ஆகிடும். ஹிந்தி-ல numbers அவ்வளவா(??) தெரியாதுன்றதால, பேரம் பேசவும் முடியாது. ஆட்டோகாரர் 25 ரூபா கேட்டப்போ கஷ்டப்பட்டு பேரம் பேசி 35 ரூபாய்க்கு போன அனுபவமெல்லாம் உண்டு எங்களுக்கு.

ஒரு மிகப்பெரிய ஆறுதல் என்னன்னா, யாரு திட்டினாலும் புரியாது.. அப்படித்தான், ஒரு தடவை ஒரு ஆட்டோ டிரைவர் “வீட்ல சொல்லிட்டு வந்துட்டியா?”-னு சிரிப்போட கேட்டார்.. நானும் அவர் என்னை “பார்த்து போம்மா”-னு சொல்றான்னு நினைச்சு, சிரிச்சுட்டே thank u சொல்லிட்டு வந்தேன். அப்புறம் எங்க ஹிந்தி மக்கள்கிட்ட போய் அதை clarify பண்ணினப்போ அவங்க சிரிச்சத நினைச்சா இப்பவும் அவமானமா இருக்குது. இன்னிக்கு வரைக்கும் என்னை பார்க்கும் போதேல்லாம் கேட்கும் முதல் கேள்வி.. அட போங்கப்பா.. அதை நான் சொல்ல வேற வேணுமா???

PS: ரொம்ப நாள் முன்னாடியே draft எழுதி வைத்து விட்டேன். தமிழ்-ல type அடிக்க அவ்வளவா வராதுன்றதால அப்படியே நின்னு போச்சு.. பாலா ரொம்ப ரொம்ப கெஞ்சி கேட்டதால :) பாவம்னு upload பண்ணிட்டேன்.

Next Time ஆங்கில வார்த்தைகள் குறைக்க try பண்றேன்.. தமிழ்-ல அடிச்சு அடிச்சு இப்பவே கண்ணை கட்டுதே…

உயிர் - 4

2010-02-18T18:17:00.005+05:30

விக்னேஷ் அசோக் குரு மூவரும் ஆபரேஷன் தியேட்டர் வாசலில் நின்று கொண்டிருந்தார்கள். விக்டர் உடைந்து போய் இருந்தான். அவனது அப்பாவும் வந்திருந்தார்கள். முந்திய இரவு பயணம் செய்த களைப்பையும் மீறி கண்களில் ஒரு வித வலியும் பயமும் தெரிந்தது. வெளியில் வந்த டாக்டர் ஜானின் தந்தையிடம் சென்று "sorry sir we tried our level best , ஆனா இப்போ brain death ஆயிடிச்சி , சாரி சார், " ..ஜானின் தந்தை ஒன்றும் புரியாமல் பேந்த பேந்த விழித்தார்.

"Brain death" அப்படினா என்ன டாக்டர் என்று குரு தான் முதலில் அங்கு இருந்த மௌனத்தை கலைத்தான். " மண்டைல அடிபட்டதில மூளைல ப்ளீடிங் ஆயிருக்கு. அது வீங்கி மண்டை ஓட்டை தொடர அளவுக்கு வீக்கம் ஆனவுடனே மூளைல இருந்து மத்த இடங்களுக்கு போகிற நரம்புகள் அதோட செயல்பாட்டை இழந்திருச்சி. இனி அவரு ஒரு vegetable மாதிரி தான். "

"அப்படினா அவன் கோமா ல இருக்கான்னு சொல்றீங்களா டாக்டர் " என்றான் விக்டர். " இல்லை சார் கோமா வேற இது வேற.. கோமா ல இருக்குற பேஷண்ட்ஸ் என்னிக்காவது எந்திரிக்கிற வாய்ப்பிருக்கு , ஆனா i am very sorry to say இவரு கேஸ்ல அந்த நம்பிக்கை கூட கிடையாது சார்..மூளை ஒரு தடவை அதோட செயல்பாட்டை இழந்துச்சுன்னா அது இழந்ததுதான்" . ஜானின் தந்தை சட்டென்று அந்த இடத்திலேயே மயங்கி விழுந்தார். விக்டரும் அசோக்கும் ஓடி சென்று அவரை தாங்கி பிடித்தார்கள்.

"நேத்தெல்லாம் நல்லா தான டாக்டர் பேசிட்டு இருந்தான். ICU போகும் போது கூட கிண்டல் அடிச்சுட்டே தானே போனான். நீங்க சொல்றது எனக்கு ஒண்ணுமே புரியலே சார் " என்றான் குரு. "relax sir உங்க பதட்டம் எனக்கு புரியுது , ஆனா இதை நீங்க புரிஞ்சுக்கணும். கொஞ்ச நேரம் கழிச்சு என்னை வந்து பாருங்க " என்று குருவிடம் சொல்லிவிட்டு "நர்ஸ் இவரை அந்த பெட்ல படுக்க வைங்க " என்று ஜானின் தந்தையை காட்டி விட்டு சென்றார்.

விக்டர் அழுது கொண்டு இருந்தான். விக்னேஷுக்கும் அசோக்குகும் ஒன்றும் புரியவில்லை. பேந்த பேந்த விழித்து கொண்டு இருந்தார்கள். குரு விக்டரிடம் வந்து " ஹே அதெல்லாம் ஒண்ணும் இல்லை , நீ சும்மா வொர்ரி பண்ணாதே , நான் என்ன எதுன்னு விசாரிச்சுட்டு வரேன், நீ அப்பாவை பாரு முதல்ல " என்றான்.

குரு டாக்டர் ரூமுக்கு சென்றான், " சார் இது என்ன ஏதுன்னு எனக்கு கொஞ்சம் தெளிவா சொல்லுங்க.அதுக்கு முன்னாடி ஜான் உயிருக்கு ஒண்ணும் ஆபத்தில்லை நு முதல சொல்லுங்க " என்றான். அவன் குரல் நடுங்கியது. கேட்க போகும் பதிலுக்கு அவன் தயாராக இல்லை என்று அந்த டாக்டருக்கு புரிந்தது. "முதல்ல நீங்க உட்காருங்க , இந்த தண்ணிய குடிங்க சார் " என்றார். தண்ணியை எடுத்து குரு குடித்தான். ஏசியிலும் முகம் வியர்த்தது குருவிற்கு.

" சார் brain death ங்கறது ஒரு irreversible condition மாதிரி, பிரைன் ல இருந்து வர சிக்னல்ஸ் கட் ஆனதல இனி எதுவும் செய்ய வாய்ப்பில்லை, நீங்க தான் அவரு family கு விஷயத்தை எடுத்து சொல்லணும் , நான் நாளைக்கு காலைல உங்களை மறுபடி சந்திச்சு பேசறேன், ஒரு விஷயம் discuss பண்ணனும் என்றார்.

உயிர் வளரும்

ஆர்த்தி

உயிர் - 3

2010-02-04T16:16:00.003+05:30

உயிர் - 3

" என்ன மேடம் ICU எதுக்காக காலைல எல்லாம் எங்கிட்ட நல்ல தான பேசிட்டு இருந்தான் " என்றான் குரு ரிசப்ஷன் பெண்ணிடம். அவள் சலனமே இல்லாமல்" அதை நீங்க டாக்டரிடம் தான் கேட்க வேண்டும் " என்றாள்.ஜானின் ரூமுக்கு விரைந்து சென்றான் . அங்கு உள்ளே டாக்டர்ஸ் செக் அப் செய்து கொண்டிருந்தார்கள். விக்னேஷுக்கும் அசோக்குகும் உடனே கால் செய்து அவர்களை வர சொன்னான் குரு. இருவரும் வேறு software கம்பனிகளில் வேலை செய்து கொண்டிருக்கிறார்கள். ஜானுடன் ஒரே வீட்டில் தங்கி இருப்பவர்கள்.

ஜானின் தாயார் அவன் கல்லூரி முடித்த வருடமே தவறி விட்டார்கள். ஜானும் அவன் தம்பியும் தான் அவன் அப்பாவிற்கு , அவனுடைய அப்பா அரசு பள்ளியில் தலைமை ஆசிரியர். அவனுடைய தம்பி விக்டர் சென்னையில் ஒரு பொறியியற் கல்லூரியில் இறுதி ஆண்டு படித்து கொண்டிருந்தான். ஆஸ்டலில் இருந்தான், எப்போதாவது ஜான் வீட்டுக்கு வருவான், குருவிற்கு விக்டரை அவ்வளவு பழக்கம் கிடையாது.

யோசித்து கொண்டிருக்கும் போதே ஒரு டாக்டர் வெளியே வந்தார். " சார் ஜானுக்கு என்ன ஆச்சு " என்றான் குரு பதட்டத்துடன். " நீங்க பேஷண்டுக்கு என்ன வேணும் " என்றார் டாக்டர். அவரை பார்த்தால் தமிழ் சினிமாவில் வரும் கண்ணாடி அணிந்த கெட்ட செய்தி சொல்லும் டாக்டர் போல இருந்தார். " நான் அவன் பிரண்டு சார்" என்றான் குரு. " ஒண்ணும் இல்லை சார், கொஞ்சம் அதிர்ச்சில இருக்கார் அவளவு தான். திருப்பி எதுக்கும் ஒரு ஸ்கேன் எடுத்து பாத்துரலாம்னு இருக்கோம் , இன்னும் கொஞ்சம் டெஸ்ட் செய்ய வேண்டி இருக்கு , டாக்டர்ஸ் supervision ல இருந்தா பெட்டெர் நு தோணுச்சு, அவ்ளோ தான் " என்றார்.

உள்ளே சென்று ஜானை பார்த்தான் , களைப்பாய் தெரிந்தான். ஆனால் உற்சாகமாக பேசினான். "ஒண்ணும் இல்லடா மச்சி, சும்மா ஒரு நாலு நாள் ஆபிசு கடில இருந்து தப்பிக்கிறதுக்கு நமக்கு உதவி பண்றாங்க அவ்ளோ தான் " என்றான் சிறிது கொண்டே. " டேய் உன் தம்பி நம்பர் சொல்லு டா " 'என்றான் குரு. " குரு வெறித்து பார்த்து கொண்டிருந்தான். " பஸ்ல பொய் பைக்கை எடுத்துட்டு வர போறேன் " என்றான் சம்பந்தமே இல்லாமல். குருவிற்கு ஒன்றும் புரியவில்லை. அதற்குள் விக்னேஷும் அசோக்கும் வந்தார்கள். " என்னடா அரசியல் வாதி மாதிரி ஆஸ்பத்திரில வந்து படுத்து கிட்ட மச்சி " என்றான் விக்னேஷ்.

" இந்த நாய் பயங்காட்டிருச்சா அதுக்குள்ளே" என்றான் குருவை பார்த்து. டேய் இவன் பைக் பஸ்னு உளற ஆரம்பிச்சுதாண்ட அதான் பயந்துட்டேன் " என்றான். " நான் அப்படியா சொன்னேன் என்றான் குழப்பமாக. அதற்குள் விக்னேஷ் விக்டருக்கு கால் செய்து விஷயத்தை சொன்னான். ரெண்டு வார்டு பாய்ஸ் வந்து "சார் வீல் சேரில் உக்காந்துகுங்க " என்றார்கள் .

" டேய் மாமனார் வீடு போற என்னை எல்லாரும் ஜோரா வாழ்த்தி அனுப்புங்கடா " என்று சிரித்தான். மற்ற மூவரும் " திருந்தவே மாட்டயாட" என்றார்கள்.அவன் சென்ற சிறிது நேரத்தில் விக்டர் வந்தான் . அவனிடம் விஷயத்தை சொன்னார்கள். சிறிது நேரம் உலாத்தி விட்டு மீண்டும் ICU வில் வந்து ஜானை பார்த்தார்கள். " தூக்கமா வருதுடா, நீங்க எல்லாரும் போங்க , ஒண்ணும் இல்லடா எனக்கு , காலைல போன் பண்றேன் " என்றான். " பஸ்ல போய் பைக்கை எடுத்துட்டு வரணும்டா" என்று சொல்லி விட்டு குருவை பார்த்தன். குரு " டேய் எல்லாமே உனக்கு கிண்டல் தான.. சும்மா படுத்து தூங்குடா" என்றான்.

நால்வரில் விக்டர் இரவு தங்குவது என்று முடிவானது. மற்ற மூவரும் கிளம்பினார்கள். மறுநாள் காலையில் குரு விக்டருக்கு கால் செய்தான். "அண்ணே நல்ல இருக்கான் , நைட் தூங்குனவன் இன்னும் எழும்பலை. இன்னும் கொஞ்ச நேரத்துல ஸ்கேன் டாக்டர் வந்தவுடனே ஸ்கேன் எடுத்துட்டு சொல்றோம்னு சொல்லிருக்காங்க" என்றான்.

குரு சற்றே நிம்மதியானான். ஆபிசுக்கு கிளம்பி சென்றான். மதிய இடைவேளையில் விக்னேஷ் கால் செய்தான், " டேய் ஜானுக்கு எதோ ஆபரேஷன் பண்ணனும்னு சொல்றாங்களாம்டா, நான் அங்க தான் கிளம்பிட்டு இருக்கேன் , நீ வரியா என்றான்?"

- உயிர் வளரும்

ஆர்த்தி

உயிர் - 2

2010-01-24T16:02:00.004+05:30

" ஹே என்னடா மச்சான் accident ஆயிரிச்சுன்னு இவ்வளவு சாதரணமா சொல்றே. எங்க இருக்கே இப்போ ? என்ன ஆச்சு சொல்லு, நான் உடனே வரேன். " என்று குரு பதறினான். " அவ்ளோ எல்லாம் பயப்பட தேவை இல்லை டா. பைக்கை சர்வீஸ் விட்டிருந்தேன்ல அதை எடுக்க போனேன், வர வழியில ஒரு நாய் உள்ள விழுந்திடிச்சி. கீழ விழுந்துட்டேன்.ஷாக்ல கையை கீழ வைக்கலை டா, நேரா மண்டைல அடி பட்டிருச்சி. ஆனா ஒரு கீறல் கூட இல்லை. இருந்தாலும் மண்டைல அடிபட்டதால உடனே நானே 108 கால் பண்ணிட்டேன் டா. இப்போ ஷர்மா பிரைவேட் ஆஸ்பத்திரியில இருக்கேன்." என்றான்.

"ஆமா நீ ஹெல்மட் போடாம உங்க அப்பார்ட்மென்ட் கேட்ட்டுக்கு உள்ளே கூட வண்டி ஓட்ட மாட்டியே , எப்படி டா தலையில அடிபட்டுச்சு? " என்றான் குரு.. "டேய் பஸ்ல போனதால காலையில கூட்டமா இருக்கும்னு அதை எடுத்துட்டு போகலை டா" என்றான் ஜான்.

" சரி இப்போ எப்படி டா இருக்கே..ஒண்ணும் பிரச்சனை இல்லியே? நான் வரட்டா"என்று குரு கேட்டான். " நீ வரலாம் வேண்டாம், என் மேனேஜர் கிட்ட சொல்லிடு , அவரு மீட்டிங்க்ல இருக்காருன்னு நினைக்கிறேன், போன் எடுக்க மாட்டேன்றாரு. நான் மதியம் வருவேன்னு சொல்லிடு..இங்க ஒரு ஸ்கேன் எடுத்து பாத்துருவோம், பயப்படறதுக்கு ஒண்ணும் இல்லைனு சொல்லிட்டாங்க. ஸ்கேன் ரிப்போர்ட் பாத்துட்டு நான் ஆபீஸ் வந்துடுவேன். " என்றான். " டேய் இன்னிக்கு ரெஸ்ட் எடு , தலைல வேற அடி பட்டுருகுனு சொல்றே, பேசாம இன்னிக்கு ரெஸ்ட் எடுத்துட்டு நாளைக்கு வா, உங்க மேனேஜர் கிட்ட நான் சொல்லிகிறேன்.பேசாம வீட்டுக்கு போ அங்க இருந்து " என்று திட்டி விட்டு போன்ஐ அணைத்தான்.

நேராக அவனுடைய மேனேஜர் சீட்டுக்கு போனான். மேனேஜர் பக்கத்துக்கு சீட் பெண்ணிடம் கடலை போட்டு கொண்டு இருந்தார். " ஹே ஷஷான்க் how r u? " என்றான் குரு. சிறிது நேரம் அவனிடம் பேசி விட்டு விஷயத்தை சொல்லி விட்டு வந்தான். ஷஷான்க் சொன்னான்" thank god u reminded me.. I have put my mobile in silent mode when i was in the meeting, gotto change it" என்று சொல்லி விட்டு போன் ஐ எடுத்து குடைய ஆரம்பித்தான். அவனுக்கு ஒரு bye சொல்லி விட்டு தன சீட்டுக்கு வந்து வேலையை தொடர்ந்தான்.

குருவின் மேனேஜர் அமர் மிகவும் மென்மையான பழகுவதற்கு இனிமையான நபர். அமர் தொலை பேசியில் அழைத்து எதோ ஒரு code அன்று மாலைக்குள் டெலிவரி செய்ய வேண்டும் என்று கூறினான். குரு அந்த code ஐ தான் நோண்டி கொண்டிருந்தான். நல்ல நேரத்துக்கு சீக்கிரமே சரியானது. அப்பாடா என்று சாயுங்காலம் கொடுக்க வேண்டிய code ஐ மதியமே கொடுத்து விட்டு அமரிடம் ஒரு சின்ன பாராட்டுதலை பெற்று விட்டு வந்து பக்கத்துக்கு சீட் சேதுவிடம் பேசி கொண்டிருந்தான். சேது 10 நாட்களாக bench இல் இருக்கிறான். அதனால் அவனுக்கு பேச ஆள் கிடைத்ததால் அப்பாடா என்று கதை அளந்து கொண்டிருந்தான்.

பின்னர் தனது சிஸ்டத்தில் head phone மாட்டி பாடு கொண்டிருந்தான். மணி பார்த்தான், 12:30. அவனது மூட் நன்றாக இருந்த்தது. சாயுங்காலம் வரை ஆகும் என்று நினைத்த வேலை சீக்கிரமே முடிந்து விட்டதால் சந்தோஷமாக இருந்தான். ஜானுக்கு ஒரு போன் செய்தான். " டேய் ஸ்கான்ல ஒண்ணும் இல்லைன்னு சொல்லிட்டாங்க டா, ஆனா head injury ன்றதால இன்னிக்கு ஒரு நாள் இருந்துட்டு நாளைக்கு போக சொல்லிருக்காங்க டா." என்றான். "டேய் நான் evening வரேண்டா உன்னை பார்க்க" என்று குரு கூறினான்.

பைக்கை ஸ்டார்ட் செய்து மதிய இடைவெளியில் வீட்டுக்கு சாப்பிட கிளம்பினான். அம்மா சமையல் மணம் காரிடாரிலே மணந்தது. " onsite பத்தி ஏதும் சொன்னங்களா டா " என்று அம்மா கேட்டார்கள். " சாப்பிட்டு கொண்டே "இன்னும் ஒண்ணும் தெரியலமா" என்றான். டேய் நம்ப ஊர் பக்கமா ஒரு alliance வந்திருக்கு. ஜாதகம் எல்லாம் பொருத்தம் இருக்கு , பேசட்டுமா என்று அப்பா கேட்டார். "அப்பா நான் onsite போயிடு வந்து ஒரு flat வங்கினப்புரம் தான் கல்யாணம் பண்ணனும்னு யோசிச்சிருக்கேன்" என்றான். "அதுக்கும் இதுக்கும் என்னடா சம்பந்தம்" இது அம்மா.

"எங்களால இந்த சென்னைல காலம் தள்ள முடியலே. நீ சாப்பாட்டுக்கு கஷ்டப்படுரிஎன்னு தான் வந்து இருக்கோம். இங்க ஊர்ல இருந்த மாதிரி இல்லடா..ஒரு நல்லது பொல்லதுகு போக முடியலே.. அபார்ட்மென்ட் வாழ்க்கை எல்லாம் ஒத்து வராதுடா எங்களுக்கு. அங்க அவளவ்வு பெரிய வீட்டை விட்டுட்டு இங்க வந்து இருக்கறது கஷ்டமா இருக்கு பா. அப்பாவுக்கும் வீடுகுள்ளியே இருந்து நேரம் போக மாட்டேங்குது. உன்னை தனிய விடவும் மனசு வர மாட்டேங்குது.' சீக்கிரம் ஒரு கல்யாணம் பண்ணினா எல்லா பிரச்சனையும் solve ஆயிடும்." என்றார் அம்மா.

" அம்மா அம்மா... எனக்கு புரியுது மா.. நீங்க 2 பேரும் ஒரு 10 நாள் அக்கா வீட்டுக்கு போயிடு வாங்க. அங்க குட்டீஸ் கூட இருந்தா 2 பேருக்கும் நல்லா இருக்கும். இன்னிக்கு டிக்கெட் availability பாத்து புக் பண்ணிறேன். அப்புறமா அங்க இருந்து ஒரு 10 days ஊருக்கு போய்ட்டு வாங்க.. எங்க உங்களுக்கு நல்லா இருக்கோ அங்க இருங்கம்மா. i will be fine."என்றான்.

மறுபடியும் ஆபீஸ் போய் விட்டு அன்றைய வேலைகளை முடித்து விட்டு அம்மாவுக்கு அப்பாவுக்கும் journey tickets புக் செய்து பிரிண்ட் அவுட் எடுத்து கொண்டான். பின்னர் ஆபீஸ் ஐ விட்டு கிளம்பி நேராக ஷர்மா ஆஸ்பத்திரி சென்றான். அங்கே reception இல் ஜான் பேஷன்ட் பேரு என்றான். " அந்த பெண் சலனமே இல்லாமல் "இப்போ ICU கொண்டு போக போறாங்க " என்றாள்.

- உயிர் வளரும்

ஆர்த்தி

உயிர்-1

2010-01-19T18:47:00.005+05:30

குரு காலையில் சுப்ரபாதம் முடியும் நேரத்தில் கண்விழித்தான். செல் போனில் மணி பார்த்தன்.. மணி 8 .. ஆஹா இன்னிக்கு டீம் மீட்டிங் 10 மணிக்கு இருக்கு...ஐயோ என்றிருந்தது அவனுக்கு. "அம்மா அம்மா .. உங்ககிட்ட எத்தனை தடவை சொல்லிட்டு படுத்தேன் 7 மணிக்கு எழுப்பி விட சொல்லி? ஏம்மா எழுப்பலை?..இன்னிக்கு நான் டைமுக்கு போகாட்டி உங்களுக்கு இருக்கு" என்று சொல்லிக் கொண்டே பாத்ரூமுக்கு விரைந்தான். "டேய் அப்பா பத்தி உனக்கு தெரியாதா...தூங்குறவனை எழுப்புறது மஹா பாவம்னு சொல்லிட்டாரு"."

"ஏம்மா அதெல்லாம் காடு மேடுல களை புடுங்கி உடம்பு வலிக்க வேலை செய்யுறவனுக்கு பா ..நாங்க எல்லாம் நோகாம நோம்பி சொகுசு வாழ்க்கை வாழறவங்க அப்பா. " என்றான் பாத்ரூமில் இருந்த படியே..

குளித்து முடித்து வெளியே வரும் போது அம்மா பூஜை செய்த தசாங்க வாசனை பிடித்து சிறிது சாமி கும்பிட்டான்.. "அம்மா நேரம் ஆயிரிச்சு " என்று குரல் ஓயும் முன்னே மெத்தென்ற இட்லியும் மணக்க மணக்க சாம்பார் சட்னியும் முன்னே இருந்தன. சாப்பிட்டு முடித்து பைக்கை ஸ்டார்ட் பண்ணும் போது மணி பார்த்தான் - 9 மணி.எப்படியும் இன்னும் அரை மணி நேரத்தில் சென்று விடலாம் என்று மனதில் எண்ணியபடியே பைக்கை ஸ்டார்ட் செய்தான்..

அபார்ட்மெண்டின் நாலாவது மாடியில் இருந்து லிப்டில் இறங்கி ஓடி வந்தார்கள்.."எத்தனை தடவை தான் சொல்றது ஹெல்மெட் போடாம பைக் ஓட்டாதேன்னு. இதுக்கெல்லாம் ஒருத்தி வந்தா தான் சரிப்படும். சீக்கிரம் கல்யாணம் பண்ணி வச்சா தான் நீயெல்லாம் சொல் பேச்சு கேப்பே." குரு எரிச்சல் அடைந்தான். "அம்மா சின்ன சின்ன விஷயத்தை எல்லாம் கல்யாணத்தோட லிங்க் பண்ணாதீங்கம்மா. நான் ஆயிரம் தடவை சொல்லிட்டேன் onsite போய்ட்டு வந்தப்புறம் தான் கல்யாண பேச்சு எடுக்கணும்னு..காலையிலயே என்னை கடுப்பேத்தாதீங்க அம்மா.வரேன், மத்தியானம் கொஞ்சம் லேட் ஆகும் வர..எனக்கு வெயிட் பண்ணாம நீங்களும் அப்பாவும் சாப்பிடுருங்க .. அப்புறம் அம்மா குளிக்கும் போது அக்கா கால் பண்ணினா.. நான் இனி 11 வரைக்கும் போன் எடுக்க முடியாது..உங்களுக்கு பேசுனா நீங்க சொல்லிருங்க.. நான் அப்புறமா அவகிட்ட பேசுறேன்...bye மா.." என்றபடியே ஹெல்மெட் அணிந்து கொண்டு பைக்கை ஸ்டார்ட் செய்தான்..

Parking slot இல் வண்டியை நிறுத்தும் போது மணி பார்த்தான்..சரியாய் 9:32 .லேப்டாப் ஐ ஆன் செய்து அன்றைய மெயில்களை பார்த்து கொண்டிருந்தான்...கால் வந்தது.. "Yes Amar..Meeting we willl start the meeting by 10" என்று மீட்டிங்கை பற்றி பேசி கொண்டிருந்தான்.

மீட்டிங் ரூம் போகும் முன்னே ஜான் இடத்துக்கு வந்தான்..இன்னும் வரவில்லை.. என்ன கடிகாரம்(ஜானின் பட்டபெயர்) இன்னிக்கு சரியான நேரத்துக்கு வரலே என்று யோசித்து கொண்டே மொபைலை silent மோடில் போட்டான். மீட்டிங் ஆரம்பித்தது...

வெளியே வரும் போது மொபைல் எடுத்து பார்த்தான். 3 missed calls. அக்கா, அப்புறம் எதோ ஒரு பாங்கின் சேவை மைய நம்பராக இருக்க வேண்டும், எந்த கடன் வேண்டும் என்று கேட்டு உயிர் எடுப்பவர்கள்.. அடுத்து ஜான் செய்திருந்தான். என்னாச்சு ??

ஜானின் நம்பரை டயல் செய்தான். ஜான் அவனோடு கல்லூரியில் நான்காண்டுகள் ஒன்றாக படித்தவன்.. சென்னை வந்த புதுதில் இருவரும் ஒன்றாக தங்கி இருந்தவர்கள். கல்லுரி காலத்தில் ஜானோடு அவ்வளவு சினேஹம் கிடையாது குருவிற்கு. ஏனென்றால் அவன் electrical இவன் electronics. ஆனால் இப்போது இருவரும் ஓரளவு நெருங்கிய நண்பர்கள் எனக் கூறலாம்.

ஜானின் மொபைல் அடித்து கொண்டே இருந்தது..என்னாச்சு இவனுக்கு உடம்பு கிடம்பு சரி இல்லியா என்று நினைத்து கொண்டே அக்காவின் நம்பருக்கு டயல் செய்தான். இருவரும் ஏதோ குடும்ப உறுப்பினர்கள் பற்றி சில நிமிடங்கள் பேசினார்கள். பேசி கொண்டு இருக்கும் போதே ஜானின் நம்பரில் இறுதி கால் வந்தது.. "அக்கா இரு அப்புறமா பேசறேன் என்று லைனை கட் செய்தவன் ஜானின் காலை எடுத்தான்..

"என்னடா ஆபீஸ் வரலே இன்னும்?" என்று முடிபதற்குள்ளாகவே "டேய் மச்சான் எனக்கு ஒரு சின்ன ஆக்ஸிடென்ட் ஆயிடிச்சு டா" என்றான்.

--- உயிர் வளரும்.

உயிர்

2010-01-10T16:59:00.004+05:30

நண்பர்களுக்கு என் வணக்கம்...

மன்னிக்க வேண்டும் வெகு நாட்கள் கழித்து வலை பூவில் எழுதுவதற்கு.எழுத வேண்டும் என்ற ஆவல் இருந்தாலும் எதோ ஒன்று அதை தடுத்து கொண்டே இருந்தது..இதோ உங்களை சந்திக்க மறுபடியும் நட்புடன் வந்து விட்டேன்.

மறுபடியும் ஒரு கதை களத்துடன் தான் வந்திருக்கிறேன்...ரொம்ப உங்களை எல்லாம் அறுக்காமல் கொஞ்சமே பெரிய சிறுகதை வடிவில் இதை கொடுக்க முடிவு எடுத்து இருக்கிறேன். இந்த வலை பூ ஆரம்பித்த புதிதில் இதில் எழுதியவர்கள் பாதி பேர் இப்பொழுது இதை padikkirargalaa என்பது கூட தெரியவில்லை. பாலா , உனது கிருகநிசம் என்ன ஆச்சு??

எனது கதையின் நாயகன் ஒரு கணினி பொறியாளன் (software engineer இன் தமிழ் ஆக்கம்!!?!?).பெயர் குரு பிரசாத். இனி அவனை குரு என்றே அழைப்போம்.குரு பிரசாத் திருநெல்வேலி சீமையில் பிறந்து வளர்ந்து பொறியியல் பட்டப்படிப்பு படித்து இன்று ஒரு பெரிய கணினி நிறுவனத்தில் team leader ஆக நல்ல takehome சம்பளத்தில் வேலை பார்க்கும் ஒரு eligible bachelor.

கதையின் நாயகி-???????? மனிக்கவும் இந்த கதையில் நாயகி இல்லை.

இனி மற்றவர்கள் :

குரு பிரசாதின் அம்மா : டீச்சர் ஆகா வேலை பார்த்து ரிடையர் ஆனவர்கள். குரு அவன் தாயுடன் மிகவும் நெருக்கமானவன். எந்த அளவுக்கு என்றால் அவன் நண்பர்கள் அனைவரையும் பட்ட பெயர் சொல்லி அழைக்கும் அளவிற்கு.

குரு பிரசாதின் அப்பா :group A ஆபீசர் ஆக இருந்து ரிடையர் ஆனவர்.

குரு பிரசாதின் அக்கா: இன்ஜினியரிங் படித்து திருமணம் ஆனதால் குழந்தைகளை கவனிக்க வேண்டி house wife ஆக இருப்பவர். குருவும் இவளும் மிக சிறந்த நண்பர்கள். குரு தண்ணி அடிச்சுட்டு என்ன உளறுவான் ங்கறது வரை இவங்களுக்கு தெரியும். குருவை நன்கு புரிந்து கொண்டவர்.

இவர்கள் எல்லாம் சைடு characters தான் .

மற்ற முக்கியமான நண்பர்கள்:

விக்னேஷ், குமார், அசோக், மதன், ஜான், ரபிக் : குருவும் இவர்களும் பள்ளி பருவத்தில் இருந்தோ அல்லது கல்லூரியில் இருதோ நண்பர்கள்.

இனி கதை...............

- ஆர்த்தி.

வலையுலகம் பற்றி தினமணி நாளிதழ் கட்டுரை

2010-01-02T13:53:00.003+05:30

வலையுலகம் பற்றி தினமணி நாளிதழ் கட்டுரை - தகவலுக்காக‌.

(தெளிவாகப் படிக்க படத்தின் மேல் சுட்டவும்)

நன்றி: http://kaveriganesh.blogspot.com/2009/12/blog-post_31.html

புத்தம் புதிய ஆண்டாகவே......

2009-12-31T20:29:00.010+05:30

புத்தம் புதிய ஆண்டாகவே......
------------------------------------------------------------

"பின்னோக்கி பார்ப்பது தவறல்ல. அது முன்னோக்கி நடக்கும் போது தவறுகளை களைய உதவும்" என்னும் (சுட்ட) தத்துவத்தோடு பதிவை ஆரம்பிக்கலாம். (வருடா வருடம் இவனோட இதே தொல்லையா போச்சு)

தமிழ் சினிமா பற்றி வாய் திறக்கா விட்டால் ஜென்மசாபல்யம் அடைய முடியாது என்பதால் ....முதலில் "தமிழ் சினிமா 2009" பற்றி......

நல்ல தமிழ் படங்களை பூதக்கண்ணாடி வைத்து தேட வேண்டி இருந்தது. ஆறுதலாய் நாடோடிகள், வெண்ணிலா கபடி குழு , பசங்க, அயன், பேராண்மை, ஈரம். கமல் படம் பார்க்க போனால் மதப் பிரச்சினை ஆகி விடும் போல என்று மக்கள் பேசி கொண்டார்கள். விஜய் படம் பார்க்க போனால் உயிருக்கு உத்திரவாதம் இல்லை என்று பயமுறுத்தினார்கள். மீடியா பலம் இருந்தால் மொக்கை படத்தை கூட தூக்கி நிறுத்தலாம் என்கிற பார்முலா தவிர்க்க முடியாமல் உருவாக்க பட்டது.

இயக்குனர் பாலா அடுத்த படத்திலாவது சுடுகாடு, இடுகாடு, கஞ்சா, தொண்டையை கடித்து ரத்தம் குடிப்பது என்று படம் எடுக்காமல் இருந்தால் தேவலாம் போல தோன்றுகிறது. பேராண்மை படம் பார்க்கும் பொழுது திரைக்கதையின் வேகத்திற்காக நடு நடுவில் ஒரு திரில்லேர் கதையின் அத்தியாங்களை கிழித்து விட்டு படம் எடுத்தது போல் இருந்தது, இருப்பினும் அங்கங்கே திட்டு திட்டாய் நல்ல விசயங்களை துணிச்சலுடன் கையாண்டிருப்பதற்காக இயக்குனர் ஜனநாதனை பாராட்டியே ஆக வேண்டும்.

அடுப்பில் கால் வைத்து எரித்ததை தவிர "மச்சான்ஸ்" நமீதா (படம்:ஜகன் மோகினி) வேறொன்றும் புதுமை செய்ய வில்லை. நான் அவனில்லை - இரண்டாம் பாகம் எதிர் பார்த்த க்ரிப் இல்லாததால் டிரைலர் பார்த்ததுடன் முடித்து கொள்ள வேண்டிருந்தது. பொக்கிஷம் படச்சுருள்கள் பெட்டிக்குள் பொக்கிஷமாய் பாதுகாக்க பட்டது (சாரி சேரேன், ஆட்டோகிராப் சாயலையும் குமுறி குமுறி அழுவதையும் மாற்றியே ஆக வேண்டும்). கந்தசாமி சேவல் குழந்தைகளிடம் ஓரளவுக்கு reach ஆனது. வேட்டைக்காரன் இணையதளங்களால் வேட்டை ஆடப்பட்டது.

இனி சிறப்பு தேர்வுகள் .....

சிறந்த படம்: நாடோடிகள் / ஈரம் / பேராண்மை (பிரித்து வழங்க படுகிறது!)

சிறந்த நடிகர்: ஜெயம் ரவி (பேராண்மை)

சிறந்த நடிகை: நயன்தாரா (.....பதிலும்) / ஸ்ரேயா (.....பதிலும்)

சிறந்த இயக்குனர்: S.P. ஜனநாதன் (பேராண்மை)

சிறந்த இசைஅமைப்பாளர்: இளையராஜா (நான் கடவுள்)

சிறந்த பாடகர்: மது பாலகிருஷ்ணன் (பிச்சை பாத்திரம் ஏந்தி... நான் கடவுள்)

சிறந்த பாடகி: ஸ்ரேயா கோசல் (கண்ணில் பார்வை போன ...நான் கடவுள்)

சிறந்த துள்ளல் இசை பாடல்: பள பளக்கிற பகலா நீ.... (அயன்)

சிறந்த குத்து பாடல்: உச்சிமீது வானிடிந்து (சிந்தனை செய்)

என் பேரு மீனாகுமாரி (கந்தசாமி)

மனதை வருடிய மெலடிகள்: விழி மூடி யோசித்தால்... (அயன்)

அழகாய் பூக்குதே ... (நினைத்தாலே இனிக்கும்)

முதன்முதல் உன்னை பார்த்ததும் .. (குளிர் 100 deg )

லேசா பறக்குது மனசு...(வெண்ணிலா கபடி குழு)

வாராயோ வாராயோ மோனலிசா ..(ஆதவன்)

தமிழ் உணர்வுள்ள (!) தொலைக்காட்சி நிகழ்ச்சிகளை பற்றி ...

நொடிக்கொரு முறை வரும் சன் பிக்சர்ஸ் விளம்பரங்களினால் பதட்டத்துடன் ரிமோட்டை கையில் வைத்துகொண்டு TV முன்னால் அமர வேண்டிருந்தது. (சாவடிக்காதீங்க டா டேய்...)

எதோ ஒரு சேனலில் இசைஅமைப்பாளர் ஆதித்யன் சமையல் கற்று கொடுத்தது ஆச்சர்யமாய் இருந்தது.

விஜய் TV யில் பாபாஜி குகைக்கு போகிறேன் பேர்வழி என்று பயணத்தை இழு இழு என்று இழுத்தார்கள். கடைசியில் அது பாபாஜியின் உண்மையான குகைதானா என்று சந்தேகம்வேறு கிளம்ப தொடங்கியது.இருப்பினும் ரஜினியின் வெளிப்படையான பேச்சினால் "கமல்-50" சிறந்த மேடை நிகழ்ச்சியாக ஆனது.

பெரும்பாலும் மேடை விவாத நிகழ்ச்சிகள் என்னை ஈர்த்தது (நீயா நானா, கருத்து யுத்தம் )..குழந்தைகள் கர்ண கடூரமாய் கத்தும் நிகழ்ச்சிகள் வெறுக்க செய்தது . டீலா நோ டீலா வை டீலில் விட்டாச்சு. சன் மியூசிக் ல் இரவு பதினோரு மணிக்கு மேல் போன் போட்டு பேசுவோரை போட்டு தள்ள வேண்டும் போலிருக்கிறது. திரைக்கே வராத திரை படங்களையெல்லாம் போட்டு கலைஞர் சேனல் சாதனை படைத்தது (போதும்டா சாமி) பொதிகை நிகழ்ச்சிகளை பார்க்க வாய்ப்பு இல்லாமல் போனது வருத்தமே எனக்கு ....

சிறந்த விளம்பரம் : Hamam சோப்பு (இந்த சோப்ப யார் மாத்துனா)

எரிச்சலை கிளப்பிய விளம்பரம்: thanks to vasan eye care

யூகி சேதுவின் "நையாண்டி தர்பார் " போன்ற நிகழ்ச்சிகளை மீண்டும் எதிர்பார்கிறேன். பார்க்கலாம் ....

இனி அரசியல் & பொது நிகழ்வுகள் பற்றி....

*தகவல் அறியும் உரிமை சட்டம் (RTI) மெல்ல மெல்ல புழக்கத்திற்கு வந்தது. சேலத்துக்காரர்கள் யாரோ ரயில்வேயிடம் இருந்து முன்பதிவு பற்றி விளக்கம் கேட்டு பின் கோர்ட் வரை ரயில்வேயை இழுத்தது அருமையான நிகழ்வு (தகவல்: "ஓ" - ஞாநி)

*தமிழகத்தில் சமச்சீர் கல்வி திட்டத்திற்க்கான அறிகுறி தெரிந்தது . பிள்ளைகளுக்கு வீட்டு பாடம் எல்லாம் கொடுக்க தேவை இல்லை என்றார் அமர்த்திய சென். (பள்ளி குழந்தைகள் எல்லாம் இவருக்கு ரசிகர் மன்றம் துவங்க போவதாக அறிகிறேன்)

* 108 - அவசர சேவை பயனுள்ளதாக தமிழகத்தில் அறியப்பட்டது.

*பள்ளி வாகன விபத்துகளும் நீலகிரி சரிவும் பயமுறுத்தின

* எதிர் பார்த்தது போலவே விடுதலை புலிகள் பின்வாங்கி மறைந்தனர். பிரபாகரன் 100 மில்லியன் " ?" ஆனார். ராஜபக்சே - பொன்சேஹா தேர்தல் ஸ்டண்டு கள் ஆரம்பமாகின . பிரணாப் முகர்ஜி ஓடோடி சென்று எப்படி தேர்தல் அதிகாரிகளை கைக்குள் போடுவது முதல் அனைத்து தேர்தல் தில்லு முல்லுகளையும் ராஜபக்சே பிரதர்ஸ் க்கு பாடம் எடுத்தார்.

* நமது பாராளுமன்றம் மீண்டும் சீக்கிய தலைப்பாகை சூடி கொண்டது. (voting machine யில் malpractice செய்ய முடியுமா?) . ப.சிதம்பரம் கத்திரிக்காய் கதை மாதிரி (துக்ளக்) வெற்றி "பெற்றார்" .

*திருச்செந்தூர் - வந்தவாசி இடைதேர்தல்களில் காந்தி படம் போட்ட நோட்டும், குவாட்டர் பிரியாணி காம்பிநேசனும் பெரு வாக்கு வித்தியாசத்தில் வெற்றி பெற்றன .

*விஜய்-ராகுல் சந்திப்பை தொடர்ந்து, விஜய் அரசியலுக்கு வருவதற்கு அச்சாரம் போட நினைத்தவர்கள் அனைத்து தமிழர்கள் ஒட்டுமொத்தமாக விளக்குமாறை தூக்கியதும் பம்மி கொண்டார்கள். நல்ல வேளை!. (பழனி மலை அல்லாவுக்கு ஸ்தோத்திரம்) . கோலிகுண்டு ஆடுற பையன் ராகுல் காந்தி தமிழக கல்வி நிறுவனங்களில் புகுந்து அடாவடி செய்தான்/ர்.

* ஸ்பெக்ட்ரம் பூதம் தமிழக அரசியலை வழிநடத்தியது

* "அடுத்த வருடம் அரசியலை விட்டு விலகபோவதாக அறிவித்து தமிழக மக்களின் வயிற்றில் பால் வார்த்திருக்கிறார் கலைஞர் கருணாநிதி

* தினமலரின் "தொழில்" சர்வேயும் , "ங்கொக்கா" விவேக்கும் பரபரப்பை உண்டாக்கினர்.

*இந்த ஆண்டு காவேரி பிரச்சினை ஏதும் இல்லாமையால் தமிழகத்து பேருந்துகள் சந்தோஷ பட்டு கொண்டன. "முல்லை பெரியாறு அணைகட்ட மணல் அனுப்புகிற தமிழகம் அணை கட்டிட வேலை செய்ய ஆட்களையும் அனுப்பினால் லோகத்திலே இருக்குற எல்லா மலையாளிகளும் சந்தோஷ படுவோம். நண்ணி நமஸ்காரம்" என்று தமிழக முதல்வருக்கு அச்சுதானந்தன் கடிதம் எழுதாது தான் பாக்கி. (கூடிய விரைவில் அதுவும் நடக்கும் - உலகத்துலே தமிழன்தான் மிகவும் நல்லவன்)

* ராஜபக்சே கால் வைத்த ஆந்திரா (திருப்பதி௦) சின்னபின்னமானது (ராஜசேகர் ரெட்டி, தெலுங்கனா, கவர்னர்)

* சந்திரயான் fuse போய்விட்டது கரித்து கொட்டியவர்கள் , தண்ணீர் கண்டுபிடித்திருக்கிறது என்று பாராட்டினார்கள். sensor அமெரிக்காவினுடையது என்று அங்கலாய்த்தார்கள் .

* ஆஸ்கார் வென்று A.R. ரகுமான் உற்சாகபடுத்தினார்

*நோபெல் வெங்கி ஜோல்னபையுடன் அலட்டிகொள்ளாமல் பேசி ஆச்சர்ய படுத்தினார்.

* சென்ற வருட மும்பை தாக்குதலை வைத்து ஆங்கில ஊடகங்கள் பிழைப்பு நடத்தின. செய்திகள் வரும் முன்னே அதை பற்றி விமர்சனங்கள் வந்து பொது மக்கள் முன் விழுவது நவீன யுகத்தின் சாபக்கேடானது

* "நாமலிங்க" ராஜூ (சத்யம்) கோடிகளை முழுங்கி விட்டு சிறை கோடியில் படுத்து கொண்டார்.

* இணைய துருவி Chrome பிரபலமானது ... Twitter சங்கதிகள் புதிய தொடர்பு முறையை அறிமுகபடுத்தியது ....3G மொபைல் சர்வீஸ் இந்தியாவில் "முகம்" காட்டியது.( http://natpuvattaram.blogspot.com/2009/11/3.html 3G பற்றி தகவலை சொல்லியது)

* "உலக வெப்ப மயமாதல் " இந்தியா போன்ற வளரும் நாடுகளால் என்றார்கள். (பெங்களூரில் ஓடும் ஆட்டோ க்கள் emission குறைந்தாலே பாதி pollution இந்தியா வில் குறைந்துவிடும்)

* 2012 ம ஆண்டு டிசம்பர் 21 தேதி உலகம் அழிய போகிறது என்ற புது கதையை கிளப்பி விட்டிருக்கிறார்கள். அதை தொடர்ந்து, செல் போன் பில் கட்ட வேண்டாம், பிகர்களுக்காக லோ லோ என்று அலையவேண்டாம் என்று ஒரு கோஷ்டி கிளம்பிருக்கிறது .

இவ்வாறாக "சுமாராக" கழிந்த 2009 த்தின் பாதிப்புகள் ஏதும் இல்லாமல் "2010௦" பிரெஷ் ஆக, புத்தம் புதிய ஆண்டாகவே மலர விரும்புகிறேன்.

அனைவருக்கும் இனிய "புத்தம்" புதிய ஆண்டு 2010 வாழ்த்துக்கள்.

-மதன்

ஹட்சனுக்கு கல்யாணம் !

2009-12-07T14:30:00.001+05:30

ஒரு காலத்துல, பையன் இப்படி இருந்தது உண்மை தான்.

ஆனா, இப்ப இப்படி ஆகிட்டான்.

காரணம் இது தான்.

வாழ்த்துக்கள் ஹட்சன் - மெர்சி !

பி.எஸ்.என்.எல் - 3ஜி மொபைல் சேவை

2009-11-26T11:02:00.002+05:30

தொலைதொடர்புத் துறையின் மூன்றாம் தலைமுறை தொழில்நுட்பத்தில் (3 ஜி) இயங்கும் செல்போன் சேவையை இந்திய பொதுத்துறை நிறுவனமான பி.எஸ்.என்.எல் சென்னையில் இப்பொழுது அறிமுகப்படுத்தியுள்ளது.

சரி, இந்த 3ஜி என்றால் என்ன, இப்பொழுது பயன்படுத்தப்படும் செல்போன் சேவைக்கும் இதற்கும் என்ன வித்தியாசம் ?

இருக்கிறது. தற்பொழுதுள்ள தொழில்நுட்பத்தில்(2 ஜி) வாய் வலிக்க வலிக்க பேசலாம், பேசலாம். மிகத் துல்லியமாக பேச்சுக்கள் கேட்க பேசிக்கொண்டே இருக்கலாம். ஆனால் மொபைல் வழி இணையத் தொடர்பு என்பது ஊறுகாய் போலத் தான். அதுவும் சும்மா உங்கள் இன்பாக்ஸை எட்டிப்பார்ப்பது, ஒரு சாட் (chat) செய்திக்கு "நான் இப்போ மொபைலுக்குள்ள இருக்கேன், அப்பாலிக்கா பேசுறேன்", இல்லையென்றால் ஒரு இணையதளத்தை திறந்து வைத்து விட்டு, போய் ஒரு காஃபி குடித்துவிட்டு வந்து பார்த்தால் "என்ன அதுக்குள்ள அவசரம், போய் மதிய் சாப்பாட்டை முடிச்சிட்டு வா ! " என்ற ரீதியில் தான் இருக்கும். ஆனால் இந்த 3ஜி தொழில்நுட்பத்தில் தரைவழி அகண்ட அலைவரிசை (landline broadband) இணைய வேகத்திற்கு இணையாக அதிவேக இன்டர்நெட், வேகமான தரவிறக்கம் மற்றும் மொபைல் டிவி, ஆன்லைன் கேம்ஸ் எனப் பலப்பல வசதிகள் மொபைல்போன் மூலமாகவே சாத்திய்ம்.

ஆனால் இவை அனைத்தையும் விட சிறப்பான ஒரு சேவை 3ஜி ல் இருக்கிறது. எழுதி வைத்துக் கொள்ளுங்கள், இன்னும் கொஞ்சமே கொஞ்சம் நாளில், "இந்த சேவை இல்லாமல் மொபைல்போனா? போங்க சித்தப்பா, அந்த் காலத்து ஆளா இருக்கீங்களே !" என்று சொல்லத்தான் போகிறோம். அந்த அற்புத வசதி, நம்மை அழைப்பவர் முகத்தைப் பார்த்துக் கொண்டே பேசக்கூடிய "வீடியோ காலிங்" எனும் சேவை.

ரொம்ப செலவாகுமோ ?

இப்பொழுது தான் சந்தைக்கு வந்துள்ளதால், கட்டணம் எல்லாம் தாறுமாறாக இருக்கும், கொஞ்ச நாள் போகட்டும்னு நினைக்கிறீர்களா, அது தான் இல்லை. ஏனென்றால் இந்த தொழில்நுட்பத்தை அறிமுகப்படுத்தி இருப்பது.... "கிடைத்தவரை சுருட்டிக்கலாம், பின்னாடி போட்டி வந்தா வாடிக்கையாளர்களுக்கு கண்கட்டு வித்தை காட்டி பில்லில் தெரிஞ்சு கொஞசம், தெரியாம கொஞ்சம் முழுங்கிக்கலாம் !" என நினைக்கும் தனியார் நிறுவனங்கள் இல்லை. பில்லிங்கில் என்றும் நம்பகமான் பி.எஸ்.என்.எல் இந்த 3ஜி சேவையை அறிமுகப்படுத்தியுள்ளதால், மிகக் குறைந்த கட்டணத்தில் இந்த வசதியை பெற்றுக்கொள்ளலாம். சும்மா ஒரு எடுத்துக்காட்டுக்கு, 3ஜி சேவை மூலம் பேசுவதற்கான ( voice call) கட்டணம், அறிமுக சலுகையாக உள்ளூர் அழைப்புகளுக்கு நிமிடத்திற்கு 30 பைசா, வெளியூர் அழைப்புகளுக்கு நிமிடத்திற்கு ரூ.50 பைசா மட்டுமே.

(கட்டணம் பற்றிய முழு விவரங்களுக்கு :

http://bsnl.co.in/service/3G/3G_files/prepaid.htm#P

மற்றும் http://bsnl.in/service/3G/3GHomepage.htm )
3ஜி வசதி எனக்கும் வேண்டும், நான் என்ன செய்ய வேண்டும் ?

ரொம்ப சுலபம் தான்.

ஒரு எஸ்.எம்.எஸ். மூலமாகக் கூட நீங்கள் பி.எஸ்.என்.எல் 3ஜி க்கு மாறலாம். உங்களது 2ஜி மொபைலில் இருந்து M3Gxxx (xxx என்பது நீங்கள் தேர்ந்தெடுக்கும் ப்ளான்) என டைப் செய்து 53733 எண்ணிற்கு அனுப்பினால் போதும்.

புதிய இணைப்புக்கு : நீங்கள் சென்னையில் இருந்தால்

http://chennai.bsnl.co.in/CIP/NewLineRequest.asp?RequestType=PROVIDE%203G%20MOBILE%20SERVICE - இந்த தளத்திற்கு சென்று பதிந்து கொள்ளலாம்.

மற்ற பகுதியைச் சேர்ந்தவர்கள் பதிவு செய்ய

http://portal.bsnl.in/BSNLCCA/ThreeGRegistration.aspx ஐ அழுத்தவும்

அல்லது 1500, 1503, 9400024365 என்ற வாடிக்கையாளர் சேவை மைய எண்களையும் தொடர்பு கொள்ளலாம்.

முக்கியமானது, 3ஜி சேவையைப் பெற உங்கள் செல்போன் ஏற்புடையதாக இருக்க வேண்டும்.

3ஜி வசதியை ஏற்கக்கூடிய சில மாடல்கள
• Nokia N95,N96,N82,N73

• Nokia 6233, 3120 Classic

• G700, G900, G502

• K 660i, K 610i, K530i

• P1i, W980i, W910i, W760i

• Samsung SGH J800

• Touch wiz, Innov 8

• LG Viewty , LG KU 250

• Motorola Q, A925

• MotoRazor V9

• Apple 3G I Phone • HTC

• Blackberry Bold 9000

வேறென்ன சிறப்புகள் ?

3ஜி க்கு மாறினாலும் நீங்கள் இப்பொழுது வைத்திருக்கும் பி.எஸ்.என்.எல் செல் நம்பரையே தொடர்ந்து பெற்றுக்கொள்ளலாம்.

3G தொழில்நுட்பம் மூலம் "டேட்டா கார்டு" (Data Card) சேவையும் உள்ளது.

இன்னும் ஏகப்பட்ட சிறப்புகள் இருக்கு... விவரங்களுக்கு http://bsnl.in/service/3G/3GHomepage.htm ஐ பாருங்கள்.

தகவல் தொழில்நுட்பமும், தொலைதொடர்பும் விரைகின்ற வேகம் ரொம்ப பிரம்மிப்பா இருக்குல்ல.

தங்கள் கருத்துக்களையும் தவறாது தெரிவியுங்கள்.

நன்றி, தகவல் உதவி...

http://bsnl.in/service/3G/3GHomepage.htm

http://chennai.bsnl.co.in/News/2gto3g.pdf

http://www.chennai.bsnl.co.in/index.html

http://www.bsnl.in/faq/faqans.php?paramCategory=3G%20Mobile%20Services

http://www.viparam.com/index.php?news=18750

http://www.maalaimalar.com/2009/11/19145338/CNI04901901109.html

http://www.dinaithal.com/business/10281--3-

http://therinjikko.blogspot.com/2009/10/blog-post_8694.html#ixzz0XsyCS2fb

source : http://solaiazhagupuram.blogspot.com/

எங்கேயோ பார்த்த மாதிரி இருக்கா !!!!

2009-10-09T15:45:00.000+05:30

எங்கேயோ பார்த்த மாதிரி இருக்கா ?

வர்றவங்களாம் மறக்காம, ஒரு Attendance போட்டுட்டு போங்க....

உங்க ஞாபக சக்திக்கு ஒரு சோதனை !
இந்த photo வை எடுத்தது, யாருன்னு சொல்லுங்க பார்ப்போம்....

நான்மாடக்கூடல் ‍ புகைப்படங்கள் !

2009-09-07T15:41:00.001+05:30

மதுரையில் ஆகஸ்ட் 29, 2009 முதல் செப்டம்பர் 8, 2009 வரை நடைபெறும் புத்தகக் கண்காட்சியின் ஒரு பகுதியாக "நான்மாடக்கூடல்" ஓவியக் கண்காட்சி நடைபெறுகிறது.

"மதுரையில் ஓவியங்கள் - ஓவியங்களில் மதுரை" எனும் தலைப்பில் இடம்பெற்ற ஓவியங்களில் சில.

பார்க்க : http://solaiazhagupuram.blogspot.com/2009/09/blog-post.html

இது முடிவல்ல !

2009-08-26T14:10:00.001+05:30

(தெளிவாகப் படிக்க, எழுத்து/படத்தின் மீது சுட்டுங்கள் )

வீடியோ வடிவில்...

source :http://solaiazhagupuram.blogspot.com/

சாகாவரம் பெற்ற MP3 க்கள்

2009-08-08T19:06:00.004+05:30

அநேகமாய் 1987 களில் ஆரம்பிக்க பட்ட MPEG குழுமம் , 1997 வாக்கில் MPEG Audio Layer 3 என்ற MP3 யை வெளிக்கொண்டு வந்தது.

நோக்கம்: 1. கம்ப்யூட்டர் எல் குறைந்த இடத்தை அடைத்து கொண்டு, சாசுவாதமாக இசையை "play" செய்ய வேண்டும். 2. எங்கும் நீக்கமற பின்னிபினைந்திருக்கும் இணைய தளத்தில் எளிதாக, குறைவான பொருள் செலவில் அதே சமயத்தில் தரமான ஒலியுடன் கூடிய இசை கோப்புகளை உலவ விட வேண்டும்.

சாதாரண இசை கோப்புகளில் (.WAV) இருந்து "high perceptional" அலை துடிப்புகளை நாசூக்காக கத்தரித்து விட்டு, பெரும்பாலான "Human perceptional" அலைகளை துடிக்க செய்ய மண்டையை பிய்த்து கொண்டு "Mp3 Codec" களை உருவாக்கிருக்கிறார்கள்.

இதன் மூலம் சாதாரண இசை கோப்புகள் (.WAV) கம்ப்யூட்டர் -ல் ஆக்கிரமிக்கும் இடத்தைவிட பத்து மடங்கு குறைவான இடத்தை MP3 இசை கோப்புகள் பிடிக்கும்படி செய்திருக்கிறார்கள், ஒலி தரம் ரொம்பவும் கெட்டு விடாதபடி......விளைவாக 700MB குறுந்தகட்டில் 150 ற்கும் அதிகமான பாடல்களை பதிவு செய்யக்கூடிய வசதிகள் அறிமுகமானது...

கிட்டத்தட்ட பதினைந்து வருடங்களாக உலகெங்கிலும் புழக்கத்தில் இருக்கும் MP3 ஒலி வடிவங்களுக்கு இனி அழிவு உண்டா?

என்னை கேட்டால் இல்லை என்றே சொல்ல தோன்றுகிறது. , காரணம்,

1. MP3 format களை விட குறைவான இடத்தை அடைத்து கொள்ளும் format கள் வந்தாலும் அவ்வளவு சீக்கிரமாக உலகெங்கும் வியாபித்திருக்கும் MP3 பிளேயர்கள் அவற்றை தலை தூக்க விடாது. வேறு புதிது புதிதாக music format கள் வந்தாலும் , MP3 compatibilty இல்லாமல் மார்க்கெட்டில் பிளேயர்கள் போணியாகாது. (இதே பாணியில் GSM phones Vs CDMA phones யும் விளக்க முடியும்; இப்போது இதை படிக்கும் பெரும்பாலான இந்தியர்கள் வைத்திருப்பது GSM Phones, சரிதானே !).....எத்தனையோ கழுதை , குதிரை music format கள் வந்து மறைந்து போனதும் இதன் காரணமாகத்தான்...

2. "பூ பூக்கும் ஓசை அதை கேட்கத்தான் ஆசை...புல்விரியும் ஓசை அதை கேட்கத்தான் ஆசை" என்பவர்கள் சிறந்த music system மற்றும் acoustic இருந்தாலொழிய உங்களுக்கு .WAV ற்கும் MP3 இசை கோப்பிற்கும் ஆனா பெரிதான ஒலித்தர வித்யாசங்களை கேட்டுணர முடியாது.....தலைக்கு மேலே "fan" சுற்றிகொண்டிருந்தாலே போச்சு கதை அம்பேல் ...சிரமப்பட்டு 15 KHz க்கு மேலாக ஒலி தரத்தை துல்லியமாக கேட்டு என்ன பெரிதாக மகிழ்ந்து விட போகிறீர்கள்...எப்பவாவது என்றால் முடியும்... ஆனால் எப்பவுமே முடியாதே.... MP3 ஒலிக்கும் போதே நாம் பெரும்பாலும் உணர கூடிய crisp கிடைத்து விடுகிறது .....i hope all of u got the point.....

3. இணையதள ஊடாக எளிதான பரிமாற்றம்

முக்கியமாக மேற் சொன்ன மூன்று காரணங்கள் MP3 format ஐ சாகா வரம் பெற்ற பிறவியாக மாற்றும் என்று என்னை நம்ப தூண்டுகிறது.

நாளை என்னவாக ஆகுமோ ?

-மதன்

you too பிள்ளையாரப்பா !!!

2009-08-06T17:46:00.002+05:30

உங்க எல்லோருக்கும் திரும்பவும் தொல்லை கொடுப்பதில் ரொம்ப ரொம்ப சந்தோசம்.வாழ்கையில எப்போவும் சந்தோஷமே வந்துட்டு இருந்தா நல்லவா இருக்கும்.? so i am forcing u people to read my article. "பாலா ,மதன் மாதிரி பெரிய range ஆளுங்களோட எழுதற அளவுக்கு இசக்கி உனக்கு ரொம்ப தைரியம்தான்னு சிவரஞ்சனி என்னை கேவலமா திட்டியதை கூட நான் ரொம்ப பெரிசா எடுத்துக்கலை .யென்ன அவங்க எல்லோரும் முன்னமே எழுதுவாங்கன்னு தெரியும்.ஆனா இந்த ஆர்த்தி ? (எவ்வளவு அடிபட்டாலும் தாங்குற மஹா , u are so great !!!)

கதைய எங்க விட்டேன்.? கடைசி check upkku போனதோட விட்டேன். அதுக்கு முன்னால விஷயம் தெரியாதவங்களுக்கு எல்லாம் ஒன்னு சொல்லிக்க ஆசைபடுறேன். இந்த சுக பிரசவம்ன்னு சொன்னா AC roomla எந்த வலியும் இல்லாம நடக்கிற பிரசவம் கிடையாது. எந்த கிறுக்கு பயலோ புரியாம வைச்ச பேர் அது. ( மதன் kindly note down the point) சரி அது கிடக்குது. நம்ம கதைக்கு வருவோம். டாக்டர் அம்மாவும் செக் பண்ணினாங்க.எடை பார்க்க சொன்னாங்க. வழக்கம் போல weight machine எனக்கு ஆப்பு வைத்தது . எங்க அம்மா கண்ணீர் விட்டு ஆஸ்பத்திரிய மிதக்க விட்டாங்க. ஏன் டாக்டர் சுக பிரசவம் ஆகுறது கஷ்டமான்னு ஒரே அழுகை. எனக்கும் ஒரே கவலை. ஆஸ்பத்திரி பக்கத்தில் ஒரு அம்மா நல்ல வடை சுடுவாங்க. எப்போ check up வந்தாலும் வாங்கி சாபிடுவேன். ஆனா இப்போ கேட்டா கிடைக்காதே. ச! மனுஷன் நினைச்சதை கூட வாங்கி சாப்பிட முடியலைடா சாமி !!! எனக்கு அழுவாச்சியா வந்துச்சு. எங்க அம்மா உடனே இப்போ அழுது என்ன பிரயோஜனம் ? நான் தலை தலையா அடிச்சுகிட்டேன். பிள்ளைன்னா பெத்தவங்க பேச்சை கேக்கணும் ,இல்லன்னா இப்படிதான் அழனும் அப்படி இப்படீன்னு ஒரே புலம்பல். உடனே டாக்டர் ச்ம்தன படுத்தி இன்னும் ஒரு பத்து நாள் இருக்கு இதுக்கு மேல weight போடாம பார்த்துக்கோங்க .சுக பிரசவத்துக்கு 90 சதவீதம்

வாய்ப்பு இருக்குன்னு சொல்ல ,எனக்கு என்னடா இது வேதாளம் மறுபடியும் முருங்க மரம் ஏறியாச்சேன்னு ஒரே கவலை. எங்க அம்மா முகத்தில ஒரே சிரிப்பு.

நான் வீட்டுக்கு வந்ததும் சாமி முன்னால உக்கார்ந்து ஒரே மிரட்டல்தான் .எனக்கு தப்பி தவறி சுக பிரசவம் ஆச்சுது ,அவ்வளவுதான் நடக்கிறதே வேற ,பிள்ளையாரப்பா , அப்படி எதாவது நடந்தது ,உன் முன்னால தினசரி பாடுவேன். .நான்தான் என் கையால உனக்கு கொழுக்கட்டை செஞ்சு தருவேன். so be careful!!! இப்படி ஏகத்துக்கும் மிரட்டி வைச்சு இருந்தேன்.

எங்க ஊருக்கு போனாலே குஷிதான் .எங்க அப்பா தினசரி வேலை முடிந்து வரும்போது ஏதாவது வடை ,பஜ்ஜின்னு வாங்கிட்டு வருவாங்க. எனக்கு ஒரே கொண்டாட்டம்தான். பங்கு கேக்கிறதுக்கு யாரும் இல்லை. அப்பாவும் அம்மாவும் as usual கேக்க மாட்டங்க . ஒரே குஷிதான் . ஆனா இப்போதான் நிலைமை தலைகீழா மாறிபோச்சே. சோக கடல்ல மூழ்கி முத்து எடுத்துட்டு இருந்தேன். ஒரு நாள் எங்க அம்மா கோயில் போன நேராம பார்த்து எங்க அப்பாகிட்ட பிட் போடா ஆரம்பிச்சேன்.அப்பா , எனக்கு நேந்திர பழ அப்பம் சாபிடனும் போல இருக்குப்பா ,ஒன்னே ஒன்னு மட்டும் வாங்கி தாங்கப்பா ,அம்மா சாப்பாடே சரியா போடலைப்பான்னு ஒரே ஒப்பாரி. எங்க அப்பாக்கு நான் நாலு சொட்டு கண்ணீர் விட்டா தாங்காது. சோ என்ன நடந்து இருக்கும்னு உங்களுக்கே தெரிஞ்சு இருக்கும்.

எங்க ம்மா வந்து வழக்கம் போல நாலு இட்லி வைக்க நான் சத்தமே போடாமா சாப்டேன். அம்மாக்கு ஒரே ஆச்சர்யம். இதே மாதிரி பத்து நாளும் ஓடி போச்சு. அக்டோபர் ஏழாம் தேதி வரை வலி வரலை.எனக்கு ஒரே சந்தோசம் .அக்டோபர் ஒன்பது நாள் கொடுத்து இருந்தாங்க. எட்டாம் தேதி , i got admitted in hospital . அம்மாக்கு வழக்கம் போல கவலை.எனக்கு ம்ம்ம்ம்ம்.............ம்ம்ம்ம்.

ஒன்பதாம் தேதி காலையும் வந்தது. டாக்டர் அம்மா வலி வரலைன்னா என்ன ஊசி போட்டு வலி வரவழைத்து விடலாம்னு ஒரு பெரிய குண்டோட என்னை கூட்டிட்டு போனாங்க. நான் போற வழி எல்லாம் பிள்ளையாரை மிரட்டிகிட்ட போனேன். ஊசியும் போட்டாங்க. என்ன நடந்து இருக்கும்னு நினைக்கீறீங்க?உங்க எல்லோரோட ஆசையை பூர்த்தி பண்ணு விதமா வலி வந்துருச்சு. எங்க அம்மாக்கு ஒரே சந்தோசம். எனக்கு இப்பிடி பிள்ளையார் இப்படி ஏமாதிடாரேன்னு ஒரே கோபம். ஆனா அவர் அப்போதான் ,பக்தையே ,உன் பக்திக்கு மெச்சினேன் . உனக்கு சுக பிரசவம் ஆகாதுன்னு அருள் பாலிச்சு இருப்பாருன்னு நினைக்கிறேன். காலைல ஒன்பது மணிக்கு அஆரம்பிச்ச வலி சாயங்காலம் எட்டு மணி வரை தொடர்ந்தது. அட ! கடவுளே நம்மதான் தப்ப வேண்டிகிட்டோம்னு அப்போதான் தோனுச்சு. வலி வராம குழந்தை பிறக்கணும்னு வேண்டாமா, சுக பிரசவம் ஆகா கூடாதுன்னு வேண்டிகிடோமேன்னு கவலை பட்டேன்.

பிள்ளையார் அவர் கடமைய ஒழுங்கா செய்தாரு. சுக பிரசவத்துக்கு எல்லா வலியும் அனுபவிச்ச பின்னால ,டாக்டர் வேற வழியே இல்லை.ஆபரேஷன் பண்ணி பிள்ளைய எடுத்துரலாம்னு சொல்ல ,ஆபரேஷன் பண்ண வேண்டியதா போச்சு. வர்ஷி குட்டியும் தப்பித்தோம்,பிழைதொம்னு வெளி உலகத்துக்கு வந்துட்டா.

நீதி :

so friends ,be careful ,while you are asking something to god. be clear in ur statement.

நட்புடன்,

மகா...

ஆசை.....ஆசை.......

2009-08-01T15:02:00.001+05:30

ஒரு நாள் குருவும் அவருடைய சிஷ்யனும் பிரதான வழி ஒன்றில் நடந்து சென்று கொண்டிருந்தனர். அது சமயம் தரையில் ஒரு சிறிய ஊர் குருவி பறக்க முடியாமல் தத்தளித்து கிடந்தது. குரு சிஷ்யனை பார்க்க , சிஷ்யன் ஓடோடி சென்று அந்த குருவியை கையில் எடுத்து குருவிடம் கொடுத்தான். குருவியின் சிறகை குரு தன் கையால் அன்போடு நீவி கொடுத்து பறக்க விட்டார். குருவி மகிழ்ச்சியாக வானில் பறந்து சென்றது. பின் இருவரும் நடையை தொடர்ந்தனர்.

சற்று தூரம் கடந்ததும் வழி ஓரத்தில் முடவன் ஒருவன் தாகத்திற்கு நீர் கிடைக்குமா என்று குரு-சிஷ்யனிடம் கேட்டான். சிஷ்யன் குருவை பார்க்க , குருவோ கண்டும் காணாதது போல நடையை தொடர்ந்து கொண்டிருந்தார்.

சிறிது நேரம் கழித்து, சிஷ்யன் குருவிடம் கேட்டான், "ஏன் அந்த முடவனுக்கு நீங்கள் உதவ முன் வரவில்லை. கஷ்டத்தில் இருப்பவர்களை காப்பாற்றினால் புண்ணியம் கிடைக்கும் என்று நீங்கள்தானே சொன்னீர்கள் "

குரு சொன்னார் , " ஊர் குருவியை ஏற்கனவே காப்பாற்றி புண்ணியம் கிடைத்து விட்டது. நிறைய்ய புண்ணியம் கிடைக்க வேண்டும் என்று பேராசை படாதே, உனது ஆசை அளவோடு இருக்க வேண்டும்."

சிஷ்யன் யோசிக்க ஆரம்பித்தான்....இப்போ நீங்க யோசிக்கிற மாதிரியே....

-மதன்

என் மகனின் முதல் ஆசிரியருக்கு!

2009-07-30T16:46:00.006+05:30

ஐயா ,

இவன் எங்கள் வீட்டின் செல்ல இளவரசன் -இங்கே

இவன் வைத்தது தான் சட்டம் . இவனுக்கு

உலகில் அனைவரும் சமமானவர்கள் என்பதை

உங்கள் பாரபட்சமற்ற போக்கால் புரிய வையுங்கள்.

இவனுக்கு அ,ஆவோடு சேர்த்து வாழ்வின்

அரிச்சுவடியையும் சொல்லி கொடுங்கள்.

இவன் வீட்டை தாண்டிய உலகத்தை

முதன்முறையாக எட்டி பார்க்கிறான்,

இவனுக்கு பாடத்தோடு பூக்களையும் ,

பட்டாம்பூச்சிகளையும் ,பறவைகளையும்

ரசிக்க சொல்லி கொடுங்கள்.

இந்த பிரபஞ்சத்தின் அத்தியாயங்களை இவன்,

உங்கள் கண் கொண்டு வாசிக்க போகிறான்.

இவனை சிறு,சிறு அதிசியங்களிலும் வியக்க வையுங்கள்.

இவன் எங்கள் வீட்டில் நடை பயில்வதெல்லாம் ,

எங்கள் உள்ளங்கைகளில் தான்.ஆனால்

வாழ்வில் முட்புதர்களையும் தாண்ட வேண்டி வரும்

என்று சொல்லி கொடுங்கள்.

இந்த உலகின் யதார்த்தத்தை உங்கள் பிரம்பினால் அல்ல ,

பரிவினால் புரிய வையுங்கள்.

உண்மை என்னும் ஆயுதத்தை இவனுக்கு அறிமுகப்படுத்துங்கள்.

அதை இறுதிவரை கடைப்பிடிக்கும்

வழி முறையையும் சொல்லிக் கொடுங்கள்.

இவனுக்கு இதுவரை எங்கள் வீடு தான் உலகம்.

இனி ,உலகையே தன் வீடாய் பாவிக்கக் கற்றுக் கொடுங்கள்.

நட்பை போற்றச் சொல்லுங்கள்,

நல்லதை பாராட்டச் சொல்லுங்கள்,

திறந்த மனம் கொண்டிருக்கச் சொல்லுங்கள்,

திறம்பட செயலாற்றச் சொல்லுங்கள்.......

ஐயா,

இவன் வல்லவனாகவும்,

நிச்சயம் நல்லவனாகவும் வளர,

உங்களை முன் மாதிரியாய் நிறுத்துங்கள்.

நன்றி!

(சமர்ப்பணம் :என் முதல் ஆசிரியைக்கு !)

(சும்மா, யோசிச்சு எழுதுனது தான், கண்டிப்பாக அனுபவம் இல்லை !)

நட்புடன்,

பாலகுமார்.

source :http://solaiazhagupuram.blogspot.com/

இன்று ஒரு நாள் மட்டும்

2009-07-30T07:39:00.004+05:30

இன்று ஒரு நாள் மட்டும்
நீ துகில் எழுகையில்
உன் முகம் பார்த்து சிரிப்பேன்

இன்று ஒரு நாள் மட்டும்
உனக்கு நானே
bed coffee கொடுப்பேன்

இன்று ஒரு நாள் மட்டும்
நீ என்ன அணிய வேண்டும்
என்பதை நான் முடிவு செய்வேன்

இன்று ஒரு நாள் மட்டும்
உன்னுடன் அலுக்காமல் shopping வந்து
கேட்டதெல்லாம் வாங்கி கொடுப்பேன்

இன்று ஒரு நாள் மட்டும்
நீ விரும்பிய படத்துக்கு
வந்து நானும் விரும்பி பார்ப்பேன்

இன்று ஒரு நாள் மட்டும்
உனக்கு பிடித்த restaurant இல்
நாம் இருவர் மட்டும்
சேர்ந்து சாப்பிடுவோம்

இன்று ஒரு நாள் மட்டும்
நீ முதன் முதலில்பேசிய
வார்த்தைகளை பேசி சிலாகிப்போம்

இன்று ஒரு நாள் மட்டும்
உன் முதல் சைக்கிள் பயணத்து
காயங்களை மறந்து
மீண்டும் இருவரும்
சைக்கிளில் போவோம்

இன்று ஒரு நாள் மட்டும்
நீ முதன் முதலில்
புடவை அணிந்த நாள்
பற்றி பேசி மகிழ்வோம்

இன்று ஒரு நாள் மட்டும்
உன் சிறு வயது ஞாபக album
பார்த்து அனைத்து சம்பவங்களையும்
பேசி விடுவோம்

இன்று ஒரு நாள் மட்டும்
உனக்கு பிடித்த gulab jamoon
நானே செய்து தருவேன்

இன்று ஒரு நாள் மட்டும்
உன் கல்லூரி காலத்து குறும்புகளை
யோசித்து சிரிப்போம்

இன்று ஒரு நாள் மட்டும்
நாம் இருவரும் badminton ஆடி
நானே தோற்பேன்
அத்தனை முறையும்

இன்று ஒரு நாள் மட்டும்
எனக்கு பிடிக்காத காரணத்தால்
கண்ணாடி வளையல்
அணியாதே பெண்ணே

இன்று ஒரு நாள் மட்டும்
நாம் முதன் முதலில்
சண்டை போட்டதையும்
நான் உன்னை
சமாதனம் செய்ததையும்
மௌனத்துடன் பேசி கொள்வோம்

இன்று ஒரு நாள் மட்டும்
நாம் இருவரும் நேரம் பார்க்காமல்
நடந்து கொண்டே இருப்போம்

இன்று ஒரு நாள் மட்டும்
மொட்டை மாடியில்
நிலா பார்த்து
நிலா சோறு சாப்பிடுவோம்

இன்று ஒரு நாள் மட்டும்
நீ தூங்க போகையில்
உன் அருகே அமர்ந்திருப்பேன்

ஏனெனில் மகளே
நீ நாளை
மற்றொருவனுக்கு சொந்தமாகிறாய்

இன்று ஒரு நாள் மட்டும்
இந்த தகப்பனுக்கு
கொடு மகளே !

நட்புடன்

ஆர்த்தி

என்னத்தை சொல்ல????

2009-07-28T15:54:00.003+05:30

இன்று தற்செயலாக Nat Geo சானெலில் IC 814 கந்தகார் விமான கடத்தல் பற்றிய எபிசொட் ஒன்று பார்த்து கொண்டிருந்தேன். பார்த்த பின் வெகு நேரத்துக்கு என் சினத்தை அடக்கி கொண்டிருந்தேன் என்று தான் சொல்ல வேண்டும்.. உங்க அனைவருக்கும் அந்த சம்பவம் நினைவிருக்கும் என்று நினைக்கிறன். தெரியாதவர்களுக்காக இதோ அதன் சாராம்சம்

டிசம்பர் 24 1999 - காத்மாண்டுவிலிருந்து விமானம் கிளம்பியது...கிளம்பிய போதே துப்பாக்கி சத்தம் கேட்டதாக Air traffic control கூறியது.

ஐந்து ஆயுதம் ஏந்திய கடத்தல்காரர்கள் விமானியை மிரட்டி லக்னோவை நோக்கி சென்று கொண்டிருந்த விமானத்தை லகோரை நோக்கி திசை திருப்பினார்கள்.

லகோரில் விமானத்தை தரை இறக்க அனுமதிக்க படாததால் விமானம் அம்ரிஸ்தரில் தரை இறக்க பட்டு கடத்தல்காரர்கள் மிரட்டலால் refuel செய்யப்பட்டது.

25 நிமிடங்களுக்கு பிறகு கட்யல் என்ற பயணியை கொன்று போட்டு விமானம் கிளம்பியது

பின் இந்திய அரசாங்கத்தின் வேண்டுகோளுக்கு இணங்க விமானம் பாகிஸ்தான் - காபுலில் தரை இறக்கப்பட்டு , refuel செய்யப்பட்டு துபைக்கு சென்றது.

UAE அரசாங்கம் பெண்களையும் குழந்தைகளையும் விடுவிக்க கோரியது.
25 பயணிகளை கடத்தல்காரர்கள் விடுவித்தனர். இறந்து போன கட்யல் உடம்பையும் ஒப்படைத்தனர்.

பின்பு அடுத்த நாள் காலை விமானம் கண்டகார் சென்று இறங்கியது.அங்கு இந்தியா அரசாங்கம் கடத்தல்காரர்களுடன் பேச்சு வார்த்தையை தொடங்கியது.

பிடித்து வைத்திருந்த 154 பயணிகளை விடுவிக்க 35 தீவிரவாதிகளையும் 200 மில்லியன் அமெரிக்க டாலர்களையும் விலையாக கேட்கப்பட்டது.
டிசம்பர் 31 1999 இந்தியா 3 தீவிரவாதிகளை விடுவித்த பின்பு பயணிகள் விடுவிக்கப்பட்டனர்.

இது இந்தியா வில் நடந்தது ...

இன்னொரு சம்பவம் இஸ்ரேலில் நடந்தது இதோ

இஸ்ரேலை சேர்ந்த ஒரு விமானம் இதே போல் ஜூலை 4, 1976 இல் பாலஸ்தீனர்களால் கடத்தப்பட்டது.

பின்பு அந்த விமானம் உகண்டாவிற்கு கொண்டு செல்லப்பட்டது. உகண்டவும் சேர்ந்து இதில் ஈடுபட்டிருப்பது அப்போது தான் அவர்களுக்கு தெரிய வந்தது. பயணிகள் உகண்டா air force base இல் அடைத்து வைக்க பட்டிருந்தார்கள்.
இஸ்ரேல் தனது ராணுவத்தை uganda ராணுவ வீரர்கள் போல் உடை அணிய செய்து , உகண்டா ராணுவத்தை போலவே எல்லாவற்றையும் imitate செய்ய வைத்து தனது போர் விமானத்தை உகண்டா air force base இல் தரை இறக்கியது.

அங்கு சென்றதும் தாக்குதலை ஆரம்பித்து 3 நிமிடங்களுக்குள் பாதி கடத்தல் காரர்கள் கொல்ல பட்டனர். உகண்டா வீரர்களை போல் உடை அணிந்து தாக்குதல செய்யப்பட்டதும் கடத்தல் காரர்கள் குழம்பி போயினர். அத்தனை பயணிகளையும் விடுவித்து நாடு திரும்பியது இஸ்ரேலிய படை.
இந்த மொத்த operation இல் ஒரு இஸ்ரேலிய commando இறந்து போனார்.

அப்போது உகண்டாவின் ஆளுநராக இடி அமீன் இருந்தார். இஸ்ரேலிய விமானம் உகண்டாவில் தரை இறங்கும் போது ஒரு கருப்பு mercedes மற்றும் 2 land rover வண்டிகளுடன் தரை இறங்கினர். அது இடி அமீனோ அல்லது வேறு யாரோ ஒரு high ranking official ஒ வருவது போன்ற தோற்றத்தை அளிப்பதர்க்காக.இந்த கடத்தல் சம்பவம் நடந்த வுடன் உகண்டா விமான நிலையம் போலவே ஒரு partial replica அமைத்து இஸ்ரேலிய ராணுவம் planning செய்தது. இதை அமைக்க உதவிய மக்களையும் இஸ்ரேலிய ராணுவம் operation முடியும் வரை அடைத்து வைத்திருந்தது. அப்படியாக ரகசியத்தை பாதுகாத்து இந்த செயலை வெற்றிகரமாக முடித்தனர்.

கடத்தி வைக்க பட்டிருந்த பயணிகளில் 3 பேர் தவறுதலாக operation சமயத்தில் கொல்லப்பட்டனர். 75 வயது மூதாட்டி ஒருவர் மூச்சைடைப்பு காரணமாக ஆஸ்பதிரியில் அனுமதிகபடிருந்தார். அவர் operation கு பிறகு உகண்டா ராணுவத்தினரால் கொல்லப்பட்டார். Yonatan Netanyahu என்ற இஸ்ரேலிய கமாண்டோ வும் கொல்லப்பட்டார். அவர் பெயரில் தான் இந்த operation இன்றளவும் அறியபடுகிறது.
என்னத்தை சொல்ல????

நட்புடன்

ஆர்த்தி

தலைப்பு வேண்டாமே ,....... ப்ளீஸ் !!!

2009-07-20T17:16:00.001+05:30

எனக்கு இப்போ எல்லாம் விபரீதமா ஆசைகள் வருகிறது அப்படிதான் ஒருநாள் சரவணா பவன்ல சாப்பிட்டு விட்டு வரும்போது வெயிட் மிஷன் பார்த்தவுடனே வெயிட் பார்க்கணும் போல ஒரு ஆசை .பார்க்கவும் பயம்தான். ஒருவேளை மிஷன் ஓவர் வெயிட் அப்படீன்னு எதாவது சொன்னா ? ,என்ன பண்றது?.ஆனாலும் தைரியமா செயலில் இறங்கினேன் .ஷங்கர் வேண்டாம் மஹா,விஷ பரீட்சை வேணாம்னு சொல்லியும் நான் கேக்கலை . காசை உள்ள போட்டுட்டு ,பார்த்தா? ,எவ்வளவு வெயிட் இருக்கும்னு நினைகிறீங்க ? just 50 kilo !!! நான் போட்ட சத்தத்துல சரவணா பவனே ஆடி போச்சு.ஷங்கர் ,இதை இன்னொரு ரவுண்டு சாப்பிட்டு கொண்டாடலாம்னு சொல்லி cashewnut pulav,pista milk shake ஆர்டர் பண்ணியாச்சு . மில்க் ஷேக் வரும்னு எதிர்பார்த்துட்டு இருக்கும்போது, வித்யாசமா எங்க வீட்டு calling bell சத்தம் விடாம கேட்டுது . அட ராமா!!! எல்லாம் கனவா ? மணி பார்த்தா காலைல எட்டு மணி ,விடிகாலம் கண்ட கனவுதான் பலிக்கும்பாங்க ?சண்டே எட்டு மணிதானே விடிகாலம் எல்லோருக்கும் ,சொல்லுங்கபா?

படிக்கிற காலத்துல எங்க அம்மா சாப்பிடு செல்லம் ,சாபிடு செல்லம் சொல்லி தாங்குவாங்க .இப்போ ஏண்டி எப்போவும் சாப்டுகிட்டே இருக்கேன்னு கேக்குற அளவுக்கு ஆகி போச்சு நிலைமை. இது எல்லாத்துக்கும் ஒரு flash back இருக்கு.ஏன்பா நம்ம கிளாஸ் ஆர்த்தி எல்லாம் ஒரு பையனுக்கு அம்மான்னு சொல்ல முடியாத அளவுக்கு சின்ன பொண்ணு மாதிரி ஒல்லியா இருக்கா .ஆனா மஹா உனக்கு மட்டும் ஏன் இந்த நிலைமை?பிள்ளை உண்டான முதல் மூணு மாசத்துக்கு ஒன்னும் சாப்பிட பிடிக்கலை. ஐயோ பாவம் ,நம்ம நிலைமை ஏன் இப்பிடி ஆகி போச்சுன்னு நானே கவலை படர அளவுக்கு என்னால சரவணா பவன் சாப்பாட்டை கூட சாப்பிட முடியாம வெறுப்பு வந்துருச்சு. வெயிட் ரெண்டு கிலோ குறைந்து போச்சு. டாக்டர் அம்மா , நல்லா சாப்பிட சொல்லி அட்வைஸ் வேற? அப்புறும் எப்படி இப்படின்னு நீங்க கேக்கிறது காதில விழுது.! wait!! wait lemme finish the storypa!!!

அப்புறும் மூணாவது மாசம் முடிந்தவுடனே ,கொஞ்சம் கொஞ்சமா நிலைமை மாற ஆரம்பிச்சுது , கொஞ்சம்னு சொன்னா தப்பு, ,பெரிய தப்பு. என்னால கட்டு படுத்தவே முடியாம போச்சுப்பா !!! so sad !!! நமக்கு பசிக்கிற நோய் வந்து இருக்குமோன்னு நினைக்கிற அளவுக்கு பசி !!!! அப்படீ என்ன பெரிய பசின்னு கேக்கறீங்களா ? என் ஒரு நாள் மெனு சொல்றேன் கேளுங்க !
காலைல படுக்கைய விட்டு எழுந்தவுடனே ,பிரட் ஜாம் சாபிடுவேன் .ஏன்னா நான் காபி போட தெம்பு வேண்டாமா? (பல் தேச்ச பின்னாடிதான் ,தப்பா நினைக்க வேண்டாம்,நான் goog girl ) 4 பிரட் சாப்பிடுவேன் .அப்புறும் ஸ்ட்ராங் காபி . இது எல்லா விஷயமும் ஆறு அறைக்குள் ( 6.30) முடிஞ்சுரும் .அப்புறும் சமைக்க ஆரம்பிப்பேன் ,ஷங்கர் ஆபீஸ் போனும்ல ,அதை விட முக்கியமா நான் சாபிடனுமே ? so at any cost i have to cook
எல்லாம் ஒரு மணி நேரத்துல முடிஞ்சுரும்.மணி எட்டு ஆகிரும் .ஐயோ ஒரு மணி நேரமா நம்ம சாப்பிடலையா ,அப்படீன்னு கவலையிலே கூட ரெண்டு இட்லி சேர்த்து சாபிடுவேன் .மொத்தம் எவ்வளவு இட்லின்னு சொன்னா கண்ணு போட்டுருவீங்க !!

அப்புறும் பத்து மணிக்கு ஜூஸ் .சீனி போடாம குடிமான்னு டாக்டர் சொன்னதை காத்துல விட்டுட்டு முடிஞ்ச அளவு சீனி போட்டு குடிப்பேன்.அப்புறும் பதினோரு மணிக்கு அடையாறு ஆனந்த பாவன் ,கிருஷ்ணா sweets இப்படி எல்லா கடைலயும் வாங்கின எல்லா விதமான தின்பண்டம் .வாய் வலிக்குற வரை சாபிடுவேன். அப்புறும் என்ன மந்திரமோ தெரியலைங்க ,பன்னிரெண்டு மணிக்கு பசி வந்துரும் .நான் என்னப்பா பண்ணட்டும் ? so full meals. இவ்வளவும் சாப்பிட்ட அடுத்து என்ன ,நல்லா தூக்கம்தான் வரும். பிள்ளைதாச்சி பொண்ணு ,தூங்கும் பொது தொல்லை பண்ண கூடாதுன்னு யாரும் calling bell கூட அடிக்க யோசிப்பாங்க .சோ அஞ்சு மணி வரை தூங்குவேன், '

ஐயோ இவ்வளவு நேரம் ஒன்னுமே சாப்பிடலையேன்னு கவலைல ,காபி குடிக்கிறதுக்கு முன்னாடி snacks சாபிட்டுருவேன். அப்புறும் காபி.திடீர்னு சமோசா சாபிடனும்போல தோணும்,(ஒவ்வொரு நாளும் ஒவ்வொன்னு தோணும்.) உடனே கொஞ்சம் கூட கஷ்ட படாம பக்கத்துக்கு கடைல போய் வாங்கிட்டு வந்து சாபிடுவேன்.ஒன்னு ரெண்டு எல்லாம் இல்லை.ஒரு நாலு அஞ்சு.அப்புறும் ஷங்கர் வந்தவுடனே அடுத்த ரவுண்டு .நைட் ஒரு கப் பாலுடன் என் மெனு முடியும்.நாடு ராத்திரி பசிக்கும் ஆனா நாம் ரொம்ப நல்லா பொண்ணுப்பா ,கஷ்ட பட்டு control பண்ணிருவேன். என்ன ஒரு நல்லா பொண்ணு நான் பார்த்தீங்களா?

நிலைமை இப்படி இருக்கும்போது,சரவணா பவன் போனோம் .என்ன நடந்து இருக்கும்னு உங்களுக்கே தெரியும். அன்னைக்கு நான்சாப்பிட்டதை அந்த சர்வர் இன்னமும் மறக்க மாட்டார்னு நினைக்கிறேன்.இன்னைக்கு வரைக்கும் அந்த t nagar சரவணா பவன் போறதையே விட்டாச்சு. என் மெனு கேளுங்க ,முதல்ல ஒரு தோசை,அடுத்து ஒரு பரோட்டா செட் ,அடுத்து ஒரு ஆப்பம் தேங்காய் பாலோட ,அப்புறும் ஒரு அப்பம் குருமா கூட,அடுத்து ஒரு ஒரு மினி tiffin ( அதுலயே ஒரு மசால் தோசை, கேசரி ,கிச்சடி,சாம்பார் இட்லி எல்லாம் இருக்கு) அப்புறும் ஒரு pistha milk shake . அப்புறும் ஒரு black forest cake இடைல இடைல ஷங்கர் தட்டுல இருந்தும் சாபிடுவேன்.அது எல்லாம் கணக்குல கிடையாது அந்த சர்வர் என்னை ஒரு பயத்தோட பார்க்க ஆரம்பிச்சுட்டார். மஹா போதும்,நான் உனக்கு மாம்பழம் வாங்கி தாரேன்.சோ இதோட முடிச்சுக்கோ ன்னு சொல்லி வலுக்கட்டாயமா என்னை வெளில கூட்டிட்டு வந்துட்டாங்க.
எங்க ஊருக்கு போனப்போ,இன்னொரு கதை எங்க அப்பாகிட்டே அப்பா,எனக்கு பிரியாணி (சைவம் தாங்க ) சாபிடனும் போல இருக்குப்பா அப்படீன்னு சொன்னதும் எங்க அப்பா ,ஓடி போய் வாங்கிட்டு வந்து கொடுத்தாங்க. half plate தான் வாங்கி இருந்தாங்க .ஏன்னா அதை சாப்பிடவே எனக்கு முந்தி எல்லாம் ரெண்டு மணி நேரம் ஆகும் .

ஆனா இப்போ ? எனக்கு வந்ததே கோபம் ,ஏன்பா இப்படீ பெத்த புள்ளைக்கு சாப்பாடு கூட போட மாட்டீங்களான்னு ஓன்னு கத்தினேன். எங்க அப்பா ஓடி போய் இன்னொரு plate வாங்கிட்டு வந்தாங்க .சோ ஒன்னரை plate சாப்பிடேன்.ஐயோ சாதமா வேணாம்மா ,மூணு நேரமும் டிபன் மட்டும் கொடும்மான்னு சொன்ன நான் ,ஏம்மா இவ்வளவு கம்மியா சாதம் பொங்குற ன்னு சொல்றதை பார்த்து,எங்க அம்மா ஏதோ காத்து கருப்பு சேட்டைதானு நினச்சு கோவிலுக்கு கூட்டிட்டு போய் தண்ணி தெளிச்சு கயிறு கட்டினாங்க . but no change

இதுல இன்னொரு முக்கியமான விஷயம் என்ன தெரியுமா ? குழந்தை வெயிட் அதிகமா இருந்தா சுக பிரசவம் ஆகாதுன்னு டாக்டர் அம்மா என்னை பயமுறுத்த (நான் பயபடனும்னு நினச்சாங்க ) நான் ரொம்ப சந்தோஷ பட்டேன்.பின்ன சுக பிரசவம்னா வலிக்கும். so operation is better. சோ சுக பிரசவம் ஆகா கூடாதுன்னு ஊர்ல உள்ள சாமி எல்லாம் வேண்டிகிட்டு இன்னும் சாப்டேன்.டாக்டர் கிட்ட last check upkku போனேன்.
இதுக்கு அப்புறும் உள்ளதை நெக்ஸ்ட் டைம் எழதுறேன்.எனக்கு கை வலிக்குது.

நட்புடன்,
மகா...

கருணாநிதிக்கு பகிரங்க கடிதம்!

2009-07-09T15:21:00.002+05:30

இந்த வாரம் ஆனந்த விகடனில் வெளியான கடிதம் இது...மிகவும் ஈர்த்தது என்னை..இதோ உங்கள் பார்வைக்காக....

(தயவு செய்து இதில் அரசியல் சாயம் பூசி இருப்பதாக கருத வேண்டாம்)

கருணாநிதிக்கு பகிரங்க கடிதம்!

தி.மு.க. தலைவர், தமிழ்நாடு காங்கிரஸ் கமிட்டி யின் நிழல் தலைவர், முத்தமிழ் அறிஞர், முதல்வர் கலைஞர் அவர்களுக்கு வணக்கம்!
மூத்த தமிழ்க்குடியின் நலனுக்காக ஐந்து முறை 'முள் கிரீடம்' தாங்கி, முத்து விழா தாண்டிய பிறகும் உழைத்து வரும் உங்களுக்குத் தொடக்கத்திலேயே ஒரு தகவலைச் சொல்ல வேண்டும். கடைசியாக ஒரு கேள்வியை வைத்து இருக்கிறேன்.

'நீ இன்றி நான் இல்லை' படத்துக்குக் கதை வசனம் எழுதுவதில் மும்முரமாகிவிட்டீர்கள். அது, ஜெயலலிதா பல ஆண்டுகளுக்கு முன்னால் எழுதி வெளியிட்ட நெடுங்கதையின் தலைப்பு. ''கருணாநிதி என் புத்தகத் தலைப்பை திருடிவிட்டார்'' என்று அந்தம்மா அறிக்கை விடுவதற்கு முன்னால் உங்க ளுக்கு ஞாபகப்படுத்த வேண்டியது என் கடமை. அதிருக்கட்டும்...
''போரிலே கலந்து வாகை மாலை சூட வாரீர் தோழர்களே! பாண்டியன் பரம்பரையினரே! சேரன் சந்ததியினரே! சோழனின் சொந்தக்காரரே! வாரீர்! கறுத்த கழுதையே, அங்கே ஏன் கனைக்கிறாய் என்று கேட்டிட வாரீர்! பிரிவினை வேண்டாமெனும் பெரும் உபதேசம் செய்யும் நரிகளின் ஊளையை, கிலி பிடித்த மனிதர்களைக் கீறி எறியுங்கள்!'' என்று கோவில்பட்டியிலும்...

''உணர்ச்சியுடன் எழுதுபவர்களின் கட்டை விரலை வெட்டு என்று முழக்கமிடுகிறது ஒரு வாய். ஆட்சி பலத்தினால் கட்டை விரல்களைப் போக்கினால் போக்கட்டுமே! விரல் போனால் வாய் இருக்கிறது. அண்ணா சொன்னது போல் இயக்கப் பேச்சாளர் அத்தனை பேர் நாக்குகளையும் துண்டித்துக்கொள் ளட்டும். கரங்களை நறுக்கி, நாவினைத் துண்டித்து நிர்க்கதியாக விட்டாலும் எமது தன்மானம், இன முழக்கம் ஓயாது, ஒழியாது. இதைக் காமராஜர்கள் உணர வேண்டும்'' என்று கோவையிலும் ஒரு காலத் தில் கொந்தளித்த உங்களது நாக்கு கடந்த வாரம் சட்டசபையில் பேசியதைப் படித்ததும்தான் பதறிப் போனேன். உங்களுக்கு பகிரங்க மடல் எழுதத் தூண்டியது நீங்கள் பேசிய அந்த வரிகள்தான்.

சம்பத்தும் நெடுஞ்செழியனும் அன்பழகனும் கழக மேடைகளில் (உங்கள் மொழியில்) தத்துவத் தாலாட்டுப் பாடிக்கொண்டு இருந்தபோது... எரிமலையாக, இடி ஒலியாக, கரகர தொண்டையில் நீங்கள் கனல் கக்கியதால் ஆயிரக்கணக்கான தொண்டர்களின் கவனிப்பைப் பெற்றீர்கள், சரியா? இப்போது ஈழத் தமிழர் தொடர்பான விவாதத்துக்குப் பதில் அளித்துப் பேசியதை திரும்பத் திரும்பப் படித்தேன். ''எதிலும் ஒரு நீக்குப்போக்கு வேண்டும் என்பார்கள். அங்கு இருக்கும் தமிழருக்கு நன்மை செய்ய வேண்டுமானால், இங்கே நாம் ஆத்திரத்தோடு அல்லது வெறுப்பு உணர்வோடு, அங்குள்ள சிங்கள இனத்தின் மீது ஒன்றைச் சொல்லி அது வேறுவிதமான விளைவுகளை உண்டாக்கினால்... அது நல்லதல்ல! பேசும்போது சுவையாக இருக்கும். வீரமாகப் பேசலாம். சூறாவளிப் பேச்சு, புயல் பேச்சு, கடல்அலைப் பேச்சு, எரிமலைப் பேச்சு என்று புகழாரம் சூட்டலாம். ஆனால், சிங்களவர்களுடைய கோபத்தை அதிகமாக ஆக்காமல் பார்த்துக்கொள்ள வேண்டும். இதைத்தான் நீக்குப்போக்கு என்று சொன்னேன்'' என்று பேசி இருக்கிறீர்கள். என்னவொரு வளைவு, குழைவு, நெளிவு!
30 ஆண்டுகளுக்கு முன்னால் இந்த உங்களது யோசனை துளிர்த்து இருந்தால், 80 ஆயிரம் அப்பாவித் தமிழர்களை சிங்களவர்கள் கொன்று இருக்க மாட்டார்கள். புலிப் படையில் 30 ஆயிரம் பேர் உயிர் பலியாக வேண்டிய அவசியம் வந்து இருக்காதே! கொழும்பில் தமிழர்கள் கொல்லப்படுகிறார்கள் என்ற தகவல் கிடைத்ததும், அன்றைய ஜெயவர்த்தனாவுக்குத் தந்தி அனுப்பி கோரிக்கை மட்டும்வைத்து இருந்தால், பௌத்தர்கள் கோபம் அதிகமாகி இருக்காது. ஆனால், நீங்கள்தான் 'தமிழனுக்கு ஒரு நாடு, தனித் தமிழீழ நாடு' என்று கரகரக் குரலால் நித்தமும் கர்ஜித்தீர்கள். ரத்தக் கறை படிந்த ஜெயவர்த்தனாவின் கொடூரத்தைத் தமிழ்நாட்டுத் தெருவெல்லாம் சொல்லி, மக்கள் கொடுத்த எம்.எல்.ஏ., பதவியை ராஜினாமா செய்து... பிறந்த நாளுக்குக் கிடைத்த பணத்தைப் போராளிகளுக்குத் தூக்கிக் கொடுத்து, விடிய விடிய டெசோ ஊர்வலங்கள் நடத்தி, மனிதச் சங்கிலி நடத்தி, கறுப்புச் சட்டை போட்டு, டெல்லிக்கு காவடி தூக்கி, ஆட்சியைப் பறிகொடுத்து... என பாழாய்ப் போன ஈழத் தமிழனுக்காகக் காலத்தை வீணாக்கிவிட்டீர்களே, தலைவரே!
எம்.ஜி.ஆர். நாலு கோடி ரூபாயைத் தூக்கிக் கொடுத்துப் பிரபாகரனைத் தட்டிக் கொடுத்தார். ''இந்தச் சண்டையை நடத்துவதே எம்.ஜி.ஆர்-தான்'' என்று ஜெயவர்த்தனா பேட்டி அளிக்கும் அளவுக்கு ஆர்வம் காட்டினார். கை நிறைய கரன்சியை அவரும் வாய் நிறைய வார்த்தைகளை நீங்களும் அள்ளி எறிந்ததால்தான் போராளி இயக்கங்கள் 'நம் பின் னால் தமிழ்நாடே இருக்கிறது' என்று திரிந்தன.

''கனக விசயர் தலையில் கல்லேந்திக் கொண்டு வந்தான் செங்குட்டுவன். காவிரிக்குக் கரை கட்ட பன்னீராயிரம் சிங்களவர்களைக் கைதி களாகக் கொண்டுவந்தான் கரிகாலன். இதெல்லாம் சரித்திரம். ஆனால், அந்த சரித்திரத்தின் விழுதுகளாக நாம் இருக்கிறோமா? இனிப் பழங்கதை பேசிப் பயனில்லை. செயலில் இறங்க வேண்டும். ஆளுக்கு ஓர் ஆயுதத்தைத் தூக்குவதா என்று கேட்பீர்கள்? அப்படி ஒரு நிலை வந்தால் தட்டிக்கழிக்க முடியாது. ஆனால், அந்தக் காலம் இன்று வந்துவிடும் என்றும் என்னால் சொல்ல முடியவில்லை'' என்று நீக்குப்போக்கு தெரியாமல் எரிமலைப் பேச்சை நீங்கள் பேசியதால் கோபமான பௌத்தர்கள் கொழும்புத் தமிழர்களை வடக்குப் பக்கமாக விரட்டியதாகச் சொல்லலாமா?
''இலங்கையில் எங்கள் அக்கா, தங்கை, அண்ணன், தம்பி, எங்களைப் பெற்றெடுக்காத தாய்-தந்தையர் எல்லாம் சிங்கள வெறியர்களால் கொல்லப்படுகிறார்கள். இதைஎல்லாம் நாங்கள் சகித்துக்கொண்டு எத்தனை நாளைக்கு இருப்பது? நாங்கள் ஒட்டிக்கொண்டு இருக்க, இந்தியாவோடு இணைந்து இருக்க, இந்தியா வேறு... தமிழ்நாடு வேறு என்று இல்லாமல், இந்தியாதான் தமிழ்நாடு, தமிழ்நாடுதான் இந்தியா என்று கருதிக்கொண்டு இருக்க நீங்கள் தமிழருக்குச் செய்தது என்ன? உங்களுடைய தேசியம் தமிழ்நாட்டுக்கு வேகமாக வரத் தயக்கம் காட்டுவது ஏன்? உங்களுடைய தேசியம் தமிழக எல்லைக்கு அப்பால் நின்றுவிடுகிறதே, என்ன காரணம்? இவற்றைக் கேட்கக் கூடாதா? கேட்டால் பிரிவினையா?'' என்று அன்றைய பிரதமர் ராஜீவைக் கோபப்படுத்தாமல், புயல் பேச்சு பேசாமல் இருந்தால், அவராவது கோபப்படாமல் நல்லது ஏதாவது செய்திருப்பாரே?
இன்றைய வைகோ, நெடுமாறன், நாஞ்சில் சம்பத்தைவிட அதிகமாக அன்றைய அமைச்சர்கள் காளிமுத்துவும் எஸ்.டி.சோமசுந்தரமும் பேசினார்களே! 'இந்தியா படை எடுக்க வேண்டும்', 'ஜெயவர்த்தனாவைத் தூக்கிலிட வேண்டும்' என்றார்கள். காங்கிரஸ் உறுப்பினர்கள் சட்டசபையில் இதை முதலமைச்சர் எம்.ஜி.ஆரிடம் போட்டுக்கொடுத்தார்கள். புறநானூற்றுப் பாடல்களை ஒப்பிக்காத, கணைக்கால் இரும்பொறையின் மறம் அறியாத எம்.ஜி.ஆர். சிரித்துக் கொண்டே சொன்னார், ''அவர்கள் பேசியது என்னுடைய கருத்துதான். அவர்கள் அளவுக்கு எனக்கு வீரமாகப் பேச வரவில்லை.''
பேச்சு என்பது வெறும் பேச்சுதானே என்பதை உணர்ந் தார் எம்.ஜி.ஆர். அதனால்தான் நீங்கள், ''மிசாவைக் காட்டி மிரட்டினால் தமிழகத்துக்குள் வர விசா வாங்க வேண்டி வரும்'' என்றபோதும் கவலைப்படாமல் இருந்தார். அன்று நீங்கள் எதிர்க்கட்சியாக இருந்தீர்கள். இன்று அதிகார நாற்காலியில் அமர்ந்து இருக்கிறீர்கள். பிடிக்காததை யார் பேசினாலும் வேண்டாத வீரமாகத் தெரிகிறது.

பல்லாயிரம் அழிவுகள் ஆன பிறகு நீங்கள் சொல்கிறீர்கள், சிங்களவனைக் கோபப்படுத்த வேண்டாம் என்று! முதலில் இங்கு உள்ள மத்திய அரசைக் கோபப்படுத்த வேண்டாம் என்றீர்கள். அதுவாவது உங்களால் தவிர்க்க முடியாத கூட்டணி தர்மம். கூடவே, 'சிங்களர்களைக் கோபப்படுத்த வேண்டாம்' என்று இலங் கைத் தூதர் அம்சாவாக நீங்கள் பேசுவது எந்த ஊர் நியாயம்? வெள்ளை பாஸ்பரஸ் தூவுகிறான், கிளஸ்டர் போடுகிறான், கொத்துக் குண்டுகள் மொத்தமாக விழுந்து கொண்டு இருக்கும்போது, 'உங்கள் அதிகாரத்தை வைத்துத் தடுக்கக் கூடாதா?'' என்றால், 'என்னால் என்ன செய்ய முடியும், மத்திய அரசுதான் தடுக்க முடியும்'' என்று தட்டிக்கழித்தீர்கள். ''போர் நடத்துவதன் பின்னணியில் இந்தியாதான் இருக்கிறது'' என்றபோதும் மறுத்தீர்கள். அதை பிரதமர் மன்மோகன் ஒப்புக்கொண்டபோது காதை மூடிக் கொண்டீர்கள். இப்போது 'மத்திய அரசு என்ன செய்ய முடியும், சிங்கள அரசுதானே எதையும் செய்ய முடியும்' என்று பந்தை கடல் தாண்டித் தட்டிவிட்டீர்கள்.

நீதியரசர்கள் ஏழு பேரை வைத்து நீங்கள் ஆரம்பித்த இலங்கைத் தமிழர் உரிமைப் பாதுகாப்பு இயக்கத்துக்கு இன்னும் உயிர் இருக்கிறதா என்று தெரியவில்லை. இலங்கைக்குப் பொருளாதாரத் தடை விதிக்க வேண்டும், போர்க் குற்றத்தை உலக நீதிமன்றம் விசாரிக்க வேண்டும் என்ற கோரிக்கைகளை அவர்கள் டெல்லிக்கு பறந்து போய் ஜனாதிபதிக்கும் சொக்கத் தங்கம் சோனியாவுக் கும் கொடுத்தார்களே, நினைவிருக்கிறதா? இப்போதைய உங்கள் சித்தாந்தப்படி அதுகூட தப்பானதல்லவா? கோரிக்கைகளை யாருக்கும் தெரியாமல் வாபஸ் வாங்கிவிடுங்கள்!

இலங்கைப் பிரச்னையில் உங்கள் கருத்து என்ன?
''மத்திய அரசின் கருத்துதான் என் கருத்து.''
தமிழீழம் குறித்து உங்களது கருத்து என்ன?
''இந்த விஷயத்தில் மார்க்சிஸ்ட் கட்சியின் கருத்து தான் என் கருத்து''.
பிரபாகரனை உயிரோடு பிடித்தால் எப்படி நடத்த வேண்டும்?
''ஜெயலலிதா தீர்மானம் போட்டபடி இந்தியாவிடம் ஒப்படைக்க வேண்டும்.''

உங்களுக்கு என்று இப்போதெல்லாம் எந்த சொந்தக் கருத்தும் கிடையாதா? 'தமிழீழம் கிடைத்தால் மகிழ்ச்சி அடையும் முதல் ஆள் நான்தான், இலங்கையில் தமிழர் அரசு அமைந்தால் சந்தோஷம்' என முற்றும் துறந்த முனிவர் போலத் தத்துவம் பேசுவது உதவுமா? நீங்கள் அனைத்துக் கட்சிக் கூட்டம் போட்டது முதல் மே இரண்டாவது வாரம் வரை, எட்டு மாதங்கள் நத்தை போல நகர்ந்ததில் நசுங்கிய உயிர்களின் எண்ணிக்கை 80 ஆயிரம். எட்டுத் தடவை தீர்மானம் போட்டு என்ன செய்ய முடிந்தது? 'நாங்கள் போரின் அன்றாடத் தகவல்களைத் தினமும் இந்தியாவுக்குச் சொல்லி வந்தோம்' என்று கோத்தபய ராஜபக்ஷே சொன்ன பிறகும், காங்கிரஸைச் சட்டையைப் பிடித்துக் கேள்வி கேட்க முடியாமல், உங்களைப் பிடித்து இழுத்தது எது? அல்லது யார்?
''நாங்களே அடிமையாக இருக்கிறோம். ஓர் அடிமை இன்னோர் அடிமைக்கு எப்படி உதவி செய்ய முடி யும்?'' என்று ஈழத் தந்தை செல்வாவிடம் இங்கிருந்த தந்தை பெரியார் சொன்னதாக நீங்களும் தப்பிக்கப் பார்க்கிறீர்கள். உடல் வலியெல்லாம் தாங்கிக்கொண்டு, மூத்திரப் பையைத் தூக்கிக்கொண்டு கடைசிக் காலத் திலும் கருவறைப் போராட்டம் நடத்திய 'தமிழின அடிமை' அவர். கடைசி வரை அதிகாரம் கொண்ட பதவி எதையும் திரும்பிக் கூடப் பார்க்காத அடிமை அவர். ஆனால், நீங்கள் ஐந்தாவது முறை யாக முதலமைச்சர். 14 ஆண்டுகள் உங்க ளது ஆட்கள் மத்திய லகானைச் சுழற்றி வந்திருக்கிறார்கள். சோனியா உங்களைத் தகப்பன் ஸ்தானத்தில் வைத்து மதிக்கிறார். கேட்ட பதவிகள் கிடைக்கின்றன. மத்திய மந்திரிகள் யார் வந்தாலும், கோபாலபுரத்தில்தான் லேண்ட் ஆகிறார்கள். நீங்கள் அடிமை என் றால், கொத்தடிமைகளை என்னவென்று அழைக்கலாம்? அண்ணா, தனிநாடு கைவிட்ட கதையைச் சொல்லிச் சொல்லி அண்ணா வும் அப்படித்தான் என்று இன்றைய தலைமுறைக்குக் காட்டிக்கொடுக்கிறீர் கள். எதற்கெடுத்தாலும் பெரியார், அண்ணா பெயரைச் சொல்லி ஏன் பலியிடுகிறீர்கள்? கச்சத் தீவைத் தாரை வார்க்கும்போது கடிதம் மட்டும் அனுப்பியதால், இன்று கண்காணிப்புக் கோபுரம் வந்துவிட்டது. காவிரியில் தண்ணீர் விடுவதில் உச்ச நீதிமன்றம் தொடங்கி காவிரி ஆணையம் வரை தீர்ப்பளித்த பிறகும் 'விரும்பினால்தான் தண்ணீர் தருவோம்' என்று சொல்லும் நிலையே இன்னமும் தொடர்கிறது.
தெற்காசியாவின் அதிசயமாக பென்னி குக் அமைத்த முல்லைப் பெரியாறு அணையை மார்க்சிஸ்ட் மந்திரி குடைவைத்து தட்டிப் பார்க்கிறார், கீறல் விட்டு உள்ளதா இல்லையா என்று. முதலமைச்சர் அச்சுதானந் தனுக்கு ஆயிரம் தலைவலிகள் இருப்பதால், அவருக்கு கோபம் வருவது மாதிரி எதையாவது சொல்லி விடாதீர்கள். பாலாறு பிரச்னையைக் கிளற வேண்டாம். மாவோயிஸ்ட்டுகளை ஆந்திர அரசு அடக்கி முடித்த பிறகு, ஆற அமரப் பேசலாம். எந்தத் தேதியில் எந்த ஒப்பந்தம் போட்டோம் என்று மனப்பாடமாக துரை முருகன் ஒப்பிக்க மட்டும்தான் காவிரியும் பாலாறும் முல்லைப் பெரியாறும் பயன்படப் போகிறது.

''பஞ்சாப் பாஸ்பரஸ், காஷ்மீர் கற்பூரம், அசாம் அணையாவிளக்கு, ஈர விறகு இங்குள்ள தமிழினம்'' என்று புதுக் கல்லூரி விழாவில் 20 ஆண்டுகளுக்கு முன் புது விளக்கம் கொடுத்தவர் நீங்கள். விறகைஈரமா கவே வைத்திருக்கலாம் என்று இப்போது நீங்களாகவே சொல்கிறீர்களே... அதை எதில் சேர்ப்பது? கடைசியாக இன்னொன்றும் நினைவுச் சரத்தில் நெருடுகிறது...

ஈழத்தில் இருந்து அகதியாக வெளியேறி நிர்க்கதியாக நின்ற ஒரு சிறுவனை, கால் நூற்றாண்டுக்கு முந்தைய ஒரு தி.மு.க. மாநாட்டின்போது ஆயிரக்கணக்கான தொண்டர்கள் முன்னிலையில் 'நானே இவனை மகன் போல வளர்க்கப் போகிறேன். என்னுடனே இவன் இருப்பான்' என்று அறிவித்தீர்கள். அந்தக் கடல் அலைப் பேச்சில் மாநாட்டு மைதானமே கசிந்து மிதந்ததே! அந்த பரிதாப ஜீவன் இப்போது எங்கே, தலைவரே?

அன்புடன்,

ஈர விறகாக இருக்க முடியாத,

அரசியல் அறியாத் தமிழன்!

எப்படித்தான் தேடிக் கண்டுபிடிக்கிறாங்களோ !!!!!

2009-06-24T17:36:00.006+05:30

ஒரு ஆரோக்கியமான பொழுதுபோக்காக, பணிக்கு, அன்றாட நடைமுறைகளுக்கு இடையூறு இல்லாத செயலாகத் தான் இதை நினைத்திருந்தேன். ஆனால் முற்றிலும் எதிர்பார்க்காத போது, நம்மீது விழும் சிறு வெளிச்சம் கூட‌ பரவசம் கொள்ளச் செய்வது உண்மை தான். நாமும் கவனிக்கப்படுகிறோம் என்ற உற்சாகம் தரும் உந்துசக்தி இன்னும் சிறப்பாக செயல்பட நிச்சயமாக‌ உதவும்.

போதும், ஓவர் பில்டப் ..... என்னோட வலைப்பதிவு பத்தி இந்த வாரம் "கல்கி" இதழ்ல (28/06/2009 இதழ், 72ம் பக்கம்) நாலு வரி பாராட்டி எழுதி, வலைப்பதிவு பெயரை (http://solaiazhagupuram.blogspot.com/) வாசகர்களுக்கு அறிமுகம் செஞ்சு வச்சிருக்காங்க. கல்கிக்கு நன்றிகள் பல.

எப்போதும் உடன்வரும், உற்சாகமளிக்கும், கிண்டலடிக்கும், ஓட்டும், குட்டும், படித்துவிட்டு எஸ்கேப் ஆகும், படிக்காமலே பாராட்டும் நண்பர்கள் அனைவரும் நடத்தப் போகும் பாராட்டு விழாவிற்கு நன்றி சொல்லி அவர்களை அந்நியப்படுத்த விரும்பவில்லை. :)

விரைவில் சந்திப்போம்....

நட்புடன்,

வி.பாலகுமார்.

source : http://solaiazhagupuram.blogspot.com/

பெயரில்லாதது

2009-06-05T14:49:00.003+05:30

எங்கள் தெருவில் பைக்கில் சென்றுகொண்டிருக்கும் போது, ஒரு சின்ன சந்தில் திரும்புகையில், குட்டி சைக்கிள் ஓட்டிட்டு வந்த ஒரு அஞ்சு வய‌சு பையன் குறுக்கால புகுந்த்துட்டான். நான் சுதாரிச்சு பைக்கை சைடு சுவர்ல‌ சாய்ச்சு நிறுத்திட்டேன். அந்த குட்டி, சைக்கிள் ஓட்டிட்டு வர்ற‌ அழக பார்த்து எனக்கு சிரிப்பு வந்தது. நான் சிரிச்சது அதுக்கு கோவம் வந்திருச்சு போல. டக்குன்னு சொல்லிச்சு,

"அண்ணே பார்த்த்ப்போண்ணே, நான் மெதுவா வந்ததால தப்பிச்சீங்க"

"சரிங்க சார், ஸாரிங்க சார் :) " சிரித்துக்கொண்டே கிளம்பினேன்.

கடவுளின் ஸ்பரிஸம், அப்பபோ கிடைக்கத் தான் செய்கிறது.

மேலும் படிக்க இங்கே சுட்டவும்.

நட்புடன்,

பாலகுமார்.

அற்புதமான திரைப்படம் அலங்கோலமான கதை

2009-06-01T20:31:00.004+05:30

மணிசித்திரதாழ் கடந்த ஞாயிறன்று சூர்யா டிவி ஒளிபரப்பிய படம். ஒரு நல்ல திரைபடத்தை பத்தி உங்க எல்லோர் கூடவும் பகிர்ந்து கொள்ள வேண்டும் என்று தோன்றியது.சூர்யா டிவி இதுவரைக்கும் நூறு தடவைக்கு மேல இந்த படத்தை ஒளிபரப்பி விட்டது. ஆனாலும் ஒளிபரப்பப்பட்ட எல்லா நேரமும் தவறாமல் ரசித்து இருக்கிறேன் .ஒரு நல்ல படத்துக்கு உரிய எல்லா அம்சங்களும் மிதுதியகவே உள்ள திரைப்படம்.

இது என்னடா படம் முன்ன பின்ன கேள்வி பட்டதே இல்லையே அப்படீன்னு சொல்றவங்களுக்கு மட்டும் (ஒருத்தரும் சொல்ல மாடீங்கன்னு நினைகிறேன்)1993 வெளி வந்த மலையாள திரைப்படம்,. இதில் இருந்து நகல் எடுக்கப்பட்டவைதான் சந்திரமுகியும் கன்னடத்தின் ஆப்த மித்ராவும் மோகன்லால்,ஷோபனா ,சுரேஷ்கோபி என்று மலையாள முன்னணி நட்சத்திரங்கள் ஆர்பாட்டம் இல்லாமல் அற்புதமாக நடித்து இருந்த படம் அந்நியன் படத்தில் ஆர்ப்பாட்டமாக கட்டிய split personalityai அமைதியாக புரியவைத்த சினிமா. இந்த படம் என்னவோ நான் எட்டாவது படிக்கும்போது வந்து இருந்தாலும் நான் பார்த்தது என் பதினைந்து வயதில்தான்.மலையாள படம் என்றாலே art film என்ற எண்ணத்தை மாற்ற வைத்தது இந்த படம்தான்.ஒரு psycho thriller yai இந்த அளவுக்கு எந்த அருவெருப்பும் , காதை செவிடாக்கும் பின்னனி இசையும் இல்லாமல் கொடுத்து இருந்தார் இயக்குனர் பாசில் .எந்த தொய்வும் இல்லாத அழகான திரைகதை.

என்னை பொறுத்தவரை திரைக்கதைதான் முக்கியம்.அதற்ற்கு மெருகு ஊட்டவே நடிகர்கள் .அந்த பணியை சிறப்பாக செய்து இருந்தனர் அந்த படத்தின் கலைஞர்கள்.மோகன்லால் ,அற்புதமான அசர வைக்கும் நடிகர்.எல்லாவித பாத்திரங்களுக்கும் எளிதில் பொருந்தி விடக்கூடியவர். இந்த கதையின் மனோதத்துவ மருத்துவர். த்ருகு என்ன தேவையோ அதை மட்டும் வெளிப்படுத்தி இருந்தார். அவரின் அற்புதமான படங்களில் இதுவும் ஒன்று. ஷோபனா, பாவம் தமிழ் திரையுலகம் இவரை சரியாக பயன்படுத்தி கொள்ளாமலே போய் விட்டது. நாட்டிய தாரகை .கைதேர்ந்த நடிகை. இந்த படத்தில் அவருடைய ஒவ்வொரு அசைவிலும் கங்கா, நாகவல்லி (நாகவல்லி தன சந்திரமுகி)என்ற இருவேறு பாத்திரங்களை வேறுபடுத்தி காட்டி இருப்பார்.கங்காவாக இருக்கும்போது அப்பாவித்தனமா நடிப்பு ,நகவல்லியாக மாறியவுடன் புருவத்தை மட்டும் உயர்த்தி முகத்தை கொடூரமாக மாற்றி இருப்பார். low hip saree ,sleeveless blouse என்று எதுவுமே இல்லாமல் அழகை வெளி படுத்திய படம்.

ஒருமுறை வந்து பார்த்தாயா(நம்ம லக லகாதான்) பாடல் படமாக்க படம் மிக அருமை. அதில் ஒவ்வொரு அபிநயங்களும் அருமை.ஒரு நல்ல நடிகை நடித்த பாத்திரத்தை ஜோதிகா முடிந்த அளவு கொலை பண்ணினார் என்றே சொல்ல வேண்டும் .பாவம் குதிப்பதை தவிர வேறு ஒன்றும் அறியாத்த அவரை பரத நாட்டியம் ஆட வைத்தது மிகவும் பரிதாபம். எனக்கு தெரிந்து இதுவரை இயக்குனர் வாசு தமிழ் மக்களை முட்டாளாக நினைத்தே எல்லா படமும் எடுத்து இருக்கிறார்.(சின்ன தம்பி ஒரு உதாரணம் )ஒரு அழகான ஓவியத்தின் மேல தண்ணீர் ஊற்றியது போல் இருந்தது சந்திரமுகி .
அதிலும் ரஜினி ஒருவருக்கு புகழ் சேர்க்க மத பாத்திரங்களை டம்மி ஆக்கி இருந்தது கொடுமையிலும் கொடுமை.ரஜினி அவர் பங்குக்கு மோகன்லால் கதாபாத்திரத்தின் மேல காரி உமிழ்ந்து இருந்தார் . அவருக்கு இந்த அவயத்திலும் நயன் தர்ராவோடு டூயட் பாட மட்டும் நன்றாக வருதிறது.அவர் அவருடைய அற்புதமான நடிப்பை மறந்து அதிக நாட்கள் ஆகிறது. பாலச்சந்தரின் மாணவன் தான என்று யோசிக்க வைத்து விட்டார். இந்த லட்சணத்தில் சந்தரமுகி part 2 வர போகுதான் சாமி, நீதான் எங்க எல்லாரையும் காப்பத்தனும் ! நண்பர்களே மணிசித்திரதாழ் பார்க்காமல் யாரும் இருந்தீங்கன்னா கண்டிப்பா dvd வாங்கி mmiss பண்ணாம பாருங்க. முடிந்தால் உங்களோட கருத்தை என்னோட பகிர்ந்து கொள்ளுங்கள்.

நட்புடன்,

மகா.

பெண் மனம்

2009-05-11T13:05:00.002+05:30

13/05/2009
நியூ யார்க்.

அன்புள்ள நண்பர்களுக்கு,
ஆமாங்க..இந்த கடைசி கடிதம் உங்களுக்கு தான். நான் இன்று தற்செயலாக என்னுடைய மேசையை சுத்தம் செய்து கொண்டிருந்த போது நான் இத்தனை வருடங்களாக எழுதிய என் மன கிடக்கையை, என் அத்தனை அஞ்சல் செய்யப்படாத கடிதங்களையும் பார்த்து கொண்டிருந்தேன். அனைத்தும் எதாவது ஒரு வகையில் என்னை பாதித்த தினங்களில் எழுதியதே. அனால் எழுத துணிவிருந்த எனக்கு யாருக்கும் அதை அஞ்சல் செய்ய துணிவில்லை.

அப்பா..........
உங்களுக்கு எழுதிய கடிதங்களில் எனக்கு வைத்தியால் அவர் மேலிருந்த கோபங்களே வெளிப்பட்டது. உங்களுக்கு பயந்து அல்ல, ஆனால் உங்களை காயப்படுத்த விரும்பாததால் கடிதங்களை உங்களுக்கு அஞ்சல் செய்ய வில்லை. எனக்கு தெரியும் அப்பா, உள் மனதில் உங்களுக்கு தெரியும் வைத்தி மிகவும் நல்லவர், எனக்கு பொருத்தமானவர் என்று, அதனாலேயே உங்களுக்கு குற்ற உணர்ச்சி இருந்ததும் எனக்கு தெரியும். இன்று நீங்கள் இறந்து 2 வருடங்களும் , வைத்தி சென்னையில் கார் accident இல் இறந்து 6 மாதங்களும் ஆன நிலையில் இதை எல்லாம் மீண்டும் வாசித்து பார்கிறேன், ஏன் என்று எனக்கு புரியவில்லை அப்பா.

வைத்தி........
உங்களுக்கு எழுதியவை உங்களை வாழ்நாள் முழுதும் புண்படுத்தும், நான் பதில் ஏதும் சொல்லாவிடிலும் கூட நீங்கள் என்னை புரிந்து கொள்வீர்கள் என்ற நம்பிக்கையில் அஞ்சல் செய்ய வில்லை.

சாரதி .........
உங்க கிட்ட என் மனசுல உள்ளதை சொல்ல என்னைக்குமே எனக்கு தைரியம்வந்தது இல்லை. நீங்க ரொம்ப நல்லவரு, ஆனா நம்ப ரெண்டு பேருக்கும் frequency match இல்லை. நான் ரொம்ப தப்புன்னு நினைக்கிற சில விஷயங்கள சுலபமா தப்பே இல்லைன்னு பேசுவீங்க , நான் ரொம்ப சரின்னு நினைக்கிற சில விஷயங்களை தப்புன்னு சொல்லி கோபப்படுவீங்க. மொத்ததில எது சரி எது தப்புங்கற குழப்பம் எனக்கு வந்துடுச்சு, அதனால மனசில உள்ளதை நான் தைரியமா உங்க கிட்ட சொல்ல முடியல. ஆனா எனக்கு நீங்க கொடுத்த சுதந்திரம் ஏராளம். நான் தான் உங்களுக்கு பொருத்தமானவள் அல்ல. உங்க அலைவரிசையில் உள்ள எதாவது ஒரு பெண்ணை கல்யாணம் பண்ணி இருந்தால் உங்கள் இருவர் வாழ்கையுமே அற்புதமாக இருந்திருக்கும், என்னை மனித்து விடுங்கள் சாரதி..

கோகுல் & அர்ச்சனா ..................
உங்க அப்பா எப்போவுமே அடுத்தவங்க வாழ்கையிலே தலையிடுற உரிமை நமக்கு இல்லைன்னு சொல்வாரு, அது நாம பெத்த குழந்தைங்களா இருந்தாலும் , அவரு என்னிக்குமே எனக்குன்னு ஒரு personal space கொடுதிருந்தாரு, அதே space a அவரும் எதிர் பார்த்தாரு, அதே போல உங்கள்ளுக்கும் நான் space கொடுக்கணும்னு எதிர்பார்த்தாரு, நீங்கல்லாம் ஒரு வயசுக்கு மேல வளர்ந்தப்புரம் உங்க முடிவுகளை நீங்க தான் எடுக்கணும்னு விருப்பப்பட்டாரு, அது எனக்கு புடிச்சிருந்துச்சு, ஆனாலும் தாய் மனசு இல்லியா , குழப்பத்துல என்னிக்காவது எதாவது தோணும் போது கடிதம் எழுதுவேன், ஆனா ஒரு individual வாழ்கையிலே தன் வாழ்கையை தானே முடிவெடுக்கிறது எவ்வளவு முக்கியம்னு எனக்கு தெரியும் , அதனால தான் உங்க வாழ்கையிலே நான் தலை இடலெ.நான் சரியாய் தான் இருந்திருக்கேன்னு எனக்கு இப்போ திருப்தி இருக்கு. நீங்க உங்க வாழ்கையிலே சந்தோஷமா இருகீங்கங்கர மன திருப்தியே எனக்கு போதும்.,

இந்த கடிதங்கள் எல்லாம் மற்றவர்களை பொறுத்தவரை வெறும் காகிதங்கள் ,
ஆனால் எனக்கு இவை எல்லாம் நான் வாழாது போன எனது வாழ்கை..

ஊமை பெண் ஒரு கனவு கண்டாள்...
அதை மனதில் வைத்தே அமைதி கொண்டாள்...

அஞ்சல் இனி வராது,
சரண்யா

நன்றி வணக்கம்!!!!!!!!!!

நட்புடன்
ஆர்த்தி